.png "Win Recruit Nepal"){kind=logo}
काठमाडौँ । फ्लोरिकल्चर एसोसिएसन नेपाल (फ्यान) को आयोजनामा काठमाडौँको भृकुटीमण्डपमा २६ औँ फ्लोरा एक्स्पो सुरु भएको छ । उक्त एक्स्पोको शक्रबार बागमती प्रदेशका कृषि तथा पशुपन्छी विकास मन्त्री प्रकाश श्रेष्ठले उद्घाटन गरे ।
एक्स्पोमा ८२ वटा प्रदर्शनी र बिक्री कक्षहरूको व्यवस्था गरिएको छ, जसमा आलंकारिक बोट बिरुवा, कट फ्लावर, सुनाखरी, कम्पोस्ट मल, फूलको गानो, बिउ बिजन, ग्रिनहाउस, कृषि औजार, उपकरण, प्याकेजिङ सामाग्री लगायतका उत्पादहरू छन् ।
पुष्प व्यवसायको व्यावसायिक विकास र प्रवर्द्धन गर्ने उद्देश्यले आज (चैत १) देखि ४ दिनसम्म सञ्चालन हुनेछ ।
उक्त एक्स्पोमा नर्सरी व्यवसायीहरूले उत्पादित गुणस्तरीय फूल र आलंकारिक बोटबिरुवाको प्रदर्शन र प्रतिस्पर्धा गरिने छ, भने उत्कृष्ट स्टल, ल्याण्डस्केपिङ्ग, मौसमी फूल, आलंकारिक बिरुवा, फुल्ने बिरुवा, पुष्प सजावट र कट फ्लावर (जस्तै गुलाब, जरबेरा, कार्नेशन) विधामा पुरस्कार वितरण गरिने छ ।
फ्लोरिकल्चर एसोसिएसन नेपालका वरिष्ठ उपाध्यक्ष एवं मेला संयोजक रामबहादुर तामाङ (सुनिल) का अनुसार, नेपालमा अहिले ५२ जिल्लामा लगभग २६० हेक्टर क्षेत्रफलमा पुष्प व्यवसाय भइरहेको छ । गत आर्थिक वर्षमा पुष्प तथा पुष्पजन्य वस्तुको वार्षिक निर्यात कारोबार रु १ करोड ३ लाख १२ हजार रहेको थियो भने आयात कारोबार रु २७ करोड ७९ लाखको थियो ।
.jpg)
_GnRvz8QHio.jpg)
.jpeg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google