.png "Win Recruit Nepal"){kind=logo}
सोलुखुम्बु । भकान्जे टीस्टेट प्रालिको पाँचौ साधारणसभा तथा सार्वजनिक सुनुवाइ कार्यक्रम सम्पन्न भएको छ । सो साधारणसभा तथा सार्वजनिक सुनुवाइ कार्यक्रम लिखुपिके गाउँपालिका वडा नम्बर पाँचको समिक्षालय हल भकान्जेमा सम्पन्न गरिएको हो ।
सो साधारणसभा तथा सार्वजनिक सुनुवाइ कार्यक्रममा कार्यकारी निर्देशक जानकी खड्काले चिया कसरी टिप्ने र कस्ता झोलामा राखेर फ्याक्ट्रीसम्म पुर्याउने भन्ने विषयमा चिया कृषकलाई जानकारी गराइन । त्यस्तै निर्देशक खड्काले भकान्जे टीस्टेट प्रालिमा कर्लि ब्ल्याकटी, व्यारी ब्ल्याकटी र लङजिन ग्रिनटी गरी तीन प्रकारका चिया ६०० किलोग्राम उत्पादन भएको जानकारी दिइन । भकान्जे टीस्टेट प्रालिमा उत्पादन भएको चिया डेनमार्क र अमेरिकामा निर्यात हुँदै आएको तथा चिन र जापानमा नमुना अर्थात स्याम्पल पठाइएको निर्देशक खड्काले दर्पण दैनिकलाई बताइन् ।
साधारणसभा तथा सार्वजनिक सुनुवाइ कार्यक्रममा भकान्जे टीस्टेट प्रालिका अध्यक्ष आङदावा शेर्पाले कर्मचारी व्यवस्थापन, चियासम्बन्धि तालिम लगायतका विषय समेटेर तयार पारिएको प्रतिवेदन प्रस्तुत गरेका थिए । उक्त साधारणसभा तथा सार्वजनिक सुनुवाइ कार्यक्रममा लिखुपिके गाउँपालिका वडा नम्बर पाँचका वडा अध्यक्ष ङिमाछिरी लामाले भकान्जे टीस्टेट प्रालिले सुरु गरेको यति छोटो समयमै राम्रो प्रगति गरेको बताए । त्यस्तै अध्यक्ष लामाले इमानदारीताका साथ चिया उत्पादनमा लाग्न सबै कृषकहरुलाई अनुरोध गरे ।
कार्यक्रममा लिखुपिके गाउँपालिकाककी वडा अध्यक्ष मिना कार्की बस्नेतले हिमाली प्रोजेक्टलाई धन्यवाद व्यक्त गर्दै चियाका फाइदाका बारेमा कार्यपालिकाको बैठकमा राख्ने प्रतिबद्धता गरिन ।
त्यस्तै अध्यक्ष कार्की बस्नेतले हिमाली प्रोजेक्टले यसरी सहयोग गर्दा पनि स्थानीयबासीले कम चासो राखेको गुनासो गर्दै तत्कालै चिया उत्पादनमा लाग्न अनुरोध गरिन । उनले भकान्जे टीस्टेट प्रालिले शुद्ध चिया उत्पादन गर्ने गरेको बताउँदै यही चिया उपभोग गर्न सबैलाई अपिल गरिन । कार्यक्रममा अधिवक्ता बलभद्र खनाल, वडा नम्बर पाँचका जनप्रतिनिधि, शिक्षक लगायत स्थानीयबासीको उपस्थित रहेको थियो ।
.jpg)
_GnRvz8QHio.jpg)
.jpeg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google