.png "Win Recruit Nepal"){kind=logo}
काठमाडौँ । नेपाली कांग्रेस केन्द्रीय कार्यसमितिको निर्यणअनुसार परिपत्र गरेको ७७ वटै जिल्लामा १०० दिने अभियान करिब अन्तिम चरणमा पुग्न लागेको छ ।सोही परिपत्र अनुसार नेपाली कांग्रेस काभ्रे जिल्ला कार्यसमितिको बैठकबाट प्रत्येक स्थानीय तह र वडाहरुमा प्रतिनिधिहरु खटाएको थियो । नेपाली कांग्रेस काभ्रेका प्रवक्ता सन्तमान तामाङका अनुसार काभ्रेमा पनि १०० दिने अभियान धमाधम भइरहेको छ ।
जस अन्तरगत जिल्ला कार्यसमितिले नमोबुद्ध नगरपालिकाको सिंगो नगरमा नै अभियानको प्रतिनिधि खटाएको थियो । नमोबुद्ध नगरपालिका भित्रका ११ वडाहरुमा पनि अभियान लगभग अन्तिम चरणमा पुगेको प्रवक्ता तामाङले बताए ।
निरन्तर अभियानकै मैदानमा रहेका प्रवक्ता तामाङ पौष १० गते भने नमोबुद्ध नगरपालिका वडा नं १० मा सो अभियानलाई सम्बोधन गर्न पुगेका थिए । सो अवसरमा नेपाली कांग्रेसको क्रियाशिल सदस्यता वितरण तथा अन्तरक्रिया कार्यक्रम गरिएको थियो । सो क्रममा पार्टी परित्याग गरी नेपाली कांग्रेसमा ४० जना प्रवेश गरेका थिए, नयाँ प्रवेशीहरुलाई प्रवक्ता तामाङले स्वागत गरे ।
नयाँ प्रवेशीहरु प्रवक्ता सन्तमान तामाङले गएको असोजमा बाढी र पहिरोबाट क्षतविक्षत भएको नमोबुद्धमा आफ्नो व्यक्तिगत तर्फबाट बाढी पीडितलाई आर्थिकदेखि बिभिन्न सहयोग गरेकोले आफूहरु कांग्रेसमा प्रवेश गरेको बताए । उनीहरुले प्रवक्ता तामाङबाट प्रभावित भएर नेपाली कांग्रेसमा प्रवेश गरेको बताए ।
साथै प्रवक्ता तामाङले जाडो मौसमलाई मध्यननजर गर्दै १०० जनालाई ब्ल्यांकेट समेत उपलब्ध गराउने घोषणा गरेका थिए । कार्यक्रमलाई सम्बोधन गर्दै तामाङले नमोबुद्ध नगरपालिलका भित्रका जनताको न्ििरम्त आफूले जति सक्दो सहयोग गर्ने र दुख सुखमा सधै नमोमबुद्धका जताको माझमा रहने प्रतिबद्धता व्यक्त गरे ।
सो कार्यक्रममा प्रमुख अतिथि नमोबुद्ध नगरपालिका प्रमुख एव नेपाली कांग्रेस नमोबुद्ध नगरपालिका सभापति कुन्साङ लामा, पार्टीका विभिन्न जिम्मेवारीमा रहेका पदाधिकारी, भातृसंघ संस्थाका प्रमुख, वडा सभापतिहरु, जनप्रतिनिधिहरु लगायतको उपस्थिति रहेको थियो ।
प्रवक्ता तामाङ पार्टीगत रुपमा मात्र सहयोग नभएर समाजसेवीको रुपबाट पनि तामाङ विगत लामो समय देखी काभ्रेका बिभिन्न ठाउँमाहरुमा पुगीसकेका छन् ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google