.png "Win Recruit Nepal"){kind=logo}
काठमाडौं । राष्ट्रिय स्वतन्त्र पार्टी (रास्वपा) का केन्द्रीय सदस्य अरनिको पाँडेले पार्टी सभापति रवि लामिछानेले पत्रकार सम्मेलनमा व्यक्त भनाइहरूको जिम्मा आफूले नलिने बताएका छन् । रास्वपा सभापति लामिछानेले गएको आइतबार पत्रकार सम्मेलन गरी आफूलाई एकोहोरो लखेटेको भन्दै नेपाली सञ्चारमाध्यमको चर्को आलोचना गरेका थिए ।
पाँडेले सामाजिक सञ्जाल ट्विटरमा बुधबार दिउँसो पत्रकार सम्मेलनअगाडि बसेको पार्टीको बैठकले गरेका निर्णयको स्वामित्व भने आफूले लिने तर पत्रकार सम्मेलनमा पार्टी सभापति लामिछानेले दिएका अभिव्यक्तिमा सहमत हुन नसक्ने र जिम्मेवारी नलिने उल्लेख गरेका छन् ।
‘हो, म राष्ट्रिय स्वतन्त्र पार्टीले आइतबार गरेका निर्णयको स्वामित्व लिन्छु- हामीले व्यापक छलफल गरेका थियौं,’ केन्द्रीय सदस्य पाँडेले ट्विट गरेका छन्, ‘म पत्रकार सम्मेलनको तयारीमा सहभागी थिइनँ । जे भनियो, जस्तो शैलीमा भनियो र जे कुरा भन्न छुटाइयो त्यसको म जिम्मा लिन्नँ ।’
रास्वपा केन्द्रीय समिति र संसदीय दलको आइतबार बसेको संयुक्त बैठकले पुष्पकमल दाहाल प्रचण्ड नेतृत्वको सरकार छाडेर बाहिरिने निर्णय गरेको थियो ।
केन्द्रीय सदस्य पाँडेले कुनै एक जना नेताको व्यक्तिगत भावनाभन्दा माथि उठेर रास्वपा युवा, सीमान्तकृत र नेपालप्रति आशा राखेकाहरूका पक्षमा उभिन सक्नुपर्ने पनि ट्विटमा उल्लेख गरेका छन् ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google