.png "Win Recruit Nepal"){kind=logo}
ललितपुर । नेकपा एमाले निकट पत्रकारहरुको संगठन प्रेस चौतारी नेपाल ललितपुरको अध्यक्षमा नवीन लुइँटेल निर्वाचित भएका छन् । बिहीबार सम्पन्न चौतारीको छैटौँ अधिवेशनबाट थाहा खबरकर्मी लुइँटेलको नेतृत्वमा १३ सदस्यीय कार्यसमिति सर्वसम्मत निर्वाचित भएको छ ।
संगठनको अन्य पदाधिकारीहरुमा अशोक दुलाल उपाध्यक्ष, शान्ति घिमिरे महिला उपाध्यक्ष, सन्तोष दहाल सचिव रहेका छन् । यसैगरी खुल्ला सहसचिवमा लक्ष्मण दुलाल, समावेशी सहसचिवमा रवि महर्जन तथा कोषाध्यक्षमा समीर थापा निर्वाचित भएका छन् ।
कार्यसमितिका अन्य सदस्यहरुमा सुभानु आचार्य, नरेन्द्र चालिसे, विकास माली, टीका रसाइली, सुस्मिता अधिकारी, ज्ञानु दुलाल र विधान रिजाल रहेका छन् । अधिवेशनले ६–६ जना केन्द्रीय र प्रदेश पार्षद् निर्वाचित गरेको छ । केन्द्रीय पार्षदमा बालमुकुन्द आचार्य, घनश्याम धमला, शान्ति घिमिरे, प्रवीण कुलुङ राई, अशोक दुलाल, सन्तोष दाहाल रहेका छन । भने प्रदेश पार्षदमा जीबी लामा, सौगात मिश्र, नवराज सन्जेल, दीपकप्रसाद घिमिरे, सुभानु आचार्य, विधान रिजाल रहेका छन् ।चौतारी ललितपुरमा हाल ललितपुरमा २ सय २१ जना सदस्य आबद्ध रहेका छन् ।
अधिवेशनको अवसरमा चौतारी ललितपुरले दुईजना पत्रकारलाई क्रियाशील पत्रकारिता पुरस्कार प्रदान गरेको छ । पुरस्कार पाउनेहरुमा विष्णु कल्पित र नेपाल प्रेस अनलाईनका सम्पादक मात्रिका पौडेललाई रहेका छन् ।
कल्पित र पौडेललाई एमालेका कार्यबाहक महासचिव प्रदीप ज्ञवालीले जनही ७–७ हजार रुपियाँ पुरस्कार सहित सम्मान गरेका थिए । अधिवेशनको उद्घाटनसत्रलाई सम्बोधन गर्दै कार्यबाहक महासचिव प्रदीप ज्ञवालीले मुलुकको विकासमा पत्रकारिता जगतले महत्वपुर्ण योगदान दिएको बताए ।
1679298112.jpg)
1674115170.jpg)
.jpg)
