.png "Win Recruit Nepal"){kind=logo}
काठमाडौं । संसदको गतिरोध हटाउने सत्ता गठबन्धको एक घटक नेकपा एकीककृत समाजवादीका अध्यक्ष एवं पूर्वप्रधानमन्त्री माधवकुमार नेपालले ध्यानाकर्षण पत्र बुझाएका छन् । विपक्षीसँग र सत्तारुढ दलकै शीर्ष नेताको सदन खुलाउने विषयमा पटकपटक भइरहेका बैठकमा ‘बाइपास’ मा परिरहेका नेता नेपालले प्रधानमन्त्री पुष्पकमल दाहाल ‘प्रचण्ड’ लाई ध्यानाकर्षण पत्र बुझाएका हुन् ।
संसदमा देश र जनताका समस्यामा सार्थक बहस नभई, अस्वस्थ्य आरोप-प्रत्यारोप भइरहेको भन्दै उनले सत्तापक्ष र प्रमुख प्रतिपक्षका बीचमा कतै प्रत्यक्ष टकराव नै हुने त होइन भन्ने आशंका देखिएको उल्लेख गरेका छन् ।
‘प्रतिपक्षलाई छलफल र सार्थक संवादको माध्यमबाट विश्वासमा लिएर अगाडि बढ्ने विषयमा सत्तापक्षले अवश्य नै कुशलता र आवश्यक लचकता देखाउनै पर्दछ भन्ने हाम्रो पार्टीको ठम्याइ छ । हामी सम्माननीय प्रधानमन्त्रीज्यूलाई अनुरोध गर्दछौं- संसदका नियमित काम-कार्यवाही अवरुद्ध गरिरहेको प्रमुख प्रतिपक्षी दल नेपाली कांग्रेसका साथै अन्य प्रतिपक्षी दलसंग तत्काल सार्थक छलफल र वार्ता द्वारा समाधान निकाली संसदीय प्रक्रिया अगाडि बढाउनका लागि गंभीर पहल गर्नु होस्’, नेपालको ध्यानाकर्षण पत्रमा उल्लेख छ ।
संसदमा देखिएको गतिरोध समाधान गर्ने दिशामा सक्रिय रहन प्रधानमन्त्रीलाई आग्रह गर्दै नेकपा एसले पार्टीको तर्फबाट हरेक खालको सहयोग गर्ने उनको प्रतिवद्धता छ ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google