.png "Win Recruit Nepal"){kind=logo}
काठमाडाैं । राष्ट्रिय स्वतन्त्र पार्टीका सभापति रवि लामिछानले उपनिर्वाचन हुने तीनवटै क्षेत्रमा आफ्ना उम्मेदवार विजयी हुने दाबी गरेका छन् ।
उनले अब स्वर्णिम दिनहरू आउने र देश आफ्नो पुस्ताले हाँक्ने बताएका छन् । सामाजिक सञ्जालमार्फत उनले एकको बदला तीन सांसद लिएर संसद छिर्ने सपना रहेको बताएका छन् ।
‘मेरा गोडामा काँडा बिझेका थिए । म ती काँडाहरू टिप्न निहुरिएको हुँ, झुकेको होइन । अब स्वर्णिम दिनहरू आउने छन् र यो देश हाम्रो पुस्ताले हाँक्ने छ । एकको बदला तिन लिएर संसद छिर्ने सपना छ’, रविले भनेका छन् ।
नागरिकतासम्बन्धी मुद्दा हारेपछि चितवन २ बाट निर्वाचित रविकाे सांसदसँगै उपप्रधान तथा गृहमन्त्रीकाे पद गुमेकाे थियाे । उनी चितवनबाट फेरि उम्मेदवार बन्दैछन् ।
यस्तै तनहुँमा हुने उपनिर्वाचनमा कांग्रेस त्यागेका अर्थविद् स्वर्णिम वाग्ले रास्वपाबाट उम्मेदवार बन्दैछन् । बारामा रास्वपाबाट रमेश खरेल उम्मेदवार बन्ने चर्चा चलिरहेकाे छ ।
1679298112.jpg)
1674115170.jpg)
.jpg)
