.png "Win Recruit Nepal"){kind=logo}
काभ्रे । नेपाली कांग्रेस काभ्रेका जिल्ला सभापति एवं बाग्मति प्रदेश सभा सदस्य तीर्थ लामाले एक मुठी सास जीवनमा रहे सम्म नेपाली कांग्रेसको रुख चिन्ह र चार तारे झण्डालाई धोका नदिने कसम खाएको बताएका छन् । काभ्रेको भकुण्डेबेंशीमा आयोजित प्रतिनिधिसभा १, प्रदेश सभा (क) र (ख) को संयुक्त क्षेत्रीय सम्मेलनलाई सम्बोधन गर्दै उनले यस्तो बताएका हुन् ।
कार्यक्रमको प्रमुख अथितिसमेत रहेका लामाले भने, 'भर्खरै सम्पन्न निर्वाचनमा नेपाली कांग्रेसको तर्फबाट क्षेत्र नं १ प्रदेश सभा २ मा आफूलाई पार्टीले यस प्रदेशमा एक पात्रको रुपमा पठाउदै गर्दा आफू गठबन्धको साँझा उम्मेरदार भएर उभिंदा गठबन्धनको मत ८ हजारले अग्रता रहेको ठाउँमा जम्मा ३ मतले मात्र नेपाली कांग्रेस बिजय हुनुपरेकाेमा आफ्नै दल भित्रबाट भारी अन्तर्घात भएकोले दुःख व्यक्त गर्न चाहन्छु ।' सभापति लामाले कांग्रेसकाे माया नभएका तर जिम्मेवारी पाएका नेताहरूले गैरजिम्मेवारी ढङ्गले पार्टीलाई धोका दिएको बताए ।
लामाले अबको केही समय भित्र नै जिल्लाबाट कार्वाहीको सिफारिस भएका नेताहरुलाई १३५ वडामै औपचारिक कार्यक्रममा प्रवेश निषेध गर्ने बताए । सभापति लामाले भने, ‘पार्टी भित्र रहेर बादविवाद गर्न पाइन्छ चित नबुझेको कुरा प्रष्ट रुपले आफनो धारणा राख्ने छुट छ, तर जब चुनाव आउछ आफ्नो पार्टीको आधिकारीक उम्मेरदवारलाई नै पराजित गर्न कम्मर कसेर लाग्ने तथा अन्तर्घात गर्ने कसैलाई पनि छुट छैन् ।’ यस्तो कार्य गर्नेलाई नेपाली कांग्रेस काभ्रेले कडा कार्वाही गर्ने समेत उनले चेतावानी दिए ।
उनले भने, ‘अब कांग्रेसको पुराको नयाँ यसको कुनै अर्थ नराखी जो जसले इमान्दारी रुपमा काम गर्छ जसले संगठन बिस्तार गर्छ जो निरन्तर खट्छ उसैको काँधमा जिम्मेवारी आउछ । नेपाली कांग्रेस हाल सत्ता बाहिर रहँदा आम कार्यकर्ताहरु चिन्तामा रहेर देखे, सत्तामा होस या प्रतिपक्षमा होस जनताको काममा कुनै पनि बाँधा नहुने र विकास निमार्णको कार्यमा एक इन्च दाँयाबाँया नहुँने प्रतिवद्धता गर्न चाहन्छु ।'
1679298112.jpg)
1674115170.jpg)
.jpg)
1691312161.jpg)
प्रतिक्रिया गर्न लग इन गर्नु होस्:
Log in with Google