.png "Win Recruit Nepal"){kind=logo}
बागलुङ बजार क्षेत्रमा शान्ति, सुरक्षा कायम गर्नका लागि सीसी टीभीमार्फत निगरानी र अपराध अनुसन्धानलाई प्रमाणमुखी बनाउन विभिन्न संघसंस्थासँग समन्वय गरेर महत्वपूर्ण भूमिका खेलेको भन्दै उनलाई उत्कृष्ट प्रहरी घोषित गरिएको हाे ।
बागलुङ । जिल्ला प्रहरी कार्यालय, बागलुङमा कार्यरत प्रहरी निरीक्षक (इन्स्पेक्टर) भुपेन्द्र गिरीलाई महिनाको उत्कृष्ट प्रहरी घोषित गरेको छ । बागलुङ बजार क्षेत्रमा शान्ति, सुरक्षा कायम गर्नका लागि सीसी टीभीमार्फत निगरानी र अपराध अनुसन्धानलाई प्रमाणमुखी बनाउन विभिन्न संघसंस्थासँग समन्वय गरेर महत्वपूर्ण भूमिका खेलेको भन्दै उनलाई उत्कृष्ट प्रहरी घोषित गरिएको जिल्ला प्रहरी कार्यालय, बागलुङले जनाएको छ ।
उनले बागलुङ नगरपालिका, उद्योग वाणिज्य संघ र बैंकर्स एसोसियसन बागलुङसँग समन्वय गरेर करिब २५ लाख रुपैयाँ बराबरको स्रोत व्यवस्थापन गरेर १३४ वटा सीसी टीभी जडानका लागि म्यापिङ कार्य गरेको बागलुङका एसपी दयानिधि ज्ञवालीले उल्लेख गरेका छन् ।
उनले प्रहरी आवास सुधार कार्यक्रम, समुदाय प्रहरी साझेदारी कार्यक्रम, फरार प्रतिवादी पक्राउ अभियान लगायतमा पनि उत्कृष्ट काम गरेको भनिएको छ । त्यसवापत उनलाई प्रोत्साहन स्वरुप अभिलेखमा जाने गरी नगदसहित पुरस्कृत गरिएको जनाइएको छ । गिरी सर्लाही जिल्लामा कार्यरत रहँदा पनि महिनाको उत्कृष्ट प्रहरी घोषित भएका थिए ।
यसअघि कोरोनाकालमा महानगरीय प्रहरी प्रभाग बुढानिलकण्ठकाे इन्चार्ज हुँदा पनि गिरी पुरुस्कृत भएका थिए । उनले लकडाउनको समयमा बुढानिलकण्ठका विभिन्न संघ संस्था तथा अन्य सरोकारवाला निकायहरुसँग समन्वय गरेर समस्यामा परेकानागरिकलाई राहतस्वरुप खाना वितरणमा समेत काम गरेका थिए ।
लकडाउनको समयमा गिरीको पहलमा भएको कार्यक्रमको भिडियोको लिंक : अति विपन्नलाई झण्डै २ महिना खाना बितरण
याे पनि : हामी २४सै घण्टा सेवामा छौं, समस्या परे सिधा फोन गर्नुहोस: प्रहरी निरिक्षक - भुपेन्द्र गिरी
प्रतिक्रिया गर्न लग इन गर्नु होस्:
Log in with Google