.png "Win Recruit Nepal"){kind=logo}
काठमाडौं । नेकपा एमालेको भातृ संगठन राष्ट्रिय युवा संघ नेपालले रसुवाको गोसाइँकुण्ड १ थुमनमा राहात वितरण गरेको छ । भाद्र २८ गते विद्युत सर्ट भई आगलागीबाट पुर्ण क्षति भएका घर परिवारलाई राष्ट्रिय युवा संघले राहात बितरण गरेको हो । पीडित परिवारलाई खाद्यान्न लगायत अन्य सामाग्री बितरण गरिएको राष्ट्रिय युवा संघ नेपाल रसुवाका सचिव सुर्यमान तामाङ्ले जानकारी दिए । पीडितलाई सानै भए पनि सहयोग गर्न पाउँदा खुसी लागेको उनले बताए । सहयोग गर्ने रकम राष्ट्रिय युवा संघ नेपाल रसुवा जिल्ला कमिटीले जुटाएको बताए ।
राष्ट्रिय युवा संघ केन्द्रीय सदस्य तथा गोसाइँकुण्ड उत्प्रेरक दावा पेम्बा तामाङ, केन्द्रीय सदस्य तथा कालिका उत्प्रेरक रोशन तामाङ, बाग्मती प्रदेश कमिटी सदस्य सापेम्बा तामाङ र गोसाइँकुण्ड गाउँ कमिटीबीच समन्वय गरि युवा संघ नेपाल रसुवाको नेतृत्वमा व्यक्तिगत आर्थिक रकम संकलन गरेर आगलागीबाट पुर्ण क्षति भएको गोसाइँकुण्ड १ थुमनमा सहयोग गरिएको सचिव तामाङ्ले जानकारी दिए । गोसाइँकुण्ड गाउँपालिका वडा नम्बर १ का वडाध्यक्षसँग सहजीकरण गरि पीडित परिवारलाई खाद्यन्न राहत वितरण गरेको उनले बताए ।
प्रतिक्रिया गर्न लग इन गर्नु होस्:
Log in with Google