.png "Win Recruit Nepal"){kind=logo}
काठमाडौं । बागमती प्रदेशका खानेपानी, सिंचाइ तथा उर्जा मन्त्री तीर्थबहादुर लामाले अधिकार र पहिचानको लागि सबै तामाङहरु एक ठाउँमा उभिनुपर्नेमा उनले जोड दिएका छन् । २९औं तामाङ प्रसारण दिवसको अवसरमा तामाङ पत्रकार संघ संघीय समितिले राजधानीमा आयोजना गरेको कार्यक्रममा मन्त्री लामाले यस्तो बताएका हुन ।
कार्यक्रमलाई सम्बोधन गर्दै मन्त्री लामाले नागरिकता दिएर मात्र बलियो राष्ट्रवाद नहुने बताए । उनले भने, ‘हामी यो मुलुकको सबैभन्दा ठूलो समुदाय हो । नागरिकता मात्र बलियो राष्ट्रवाद हो जस्तो लाग्दैन । त्यो कागजको टुक्रा मात्र हो । राज्यले तामाङ जातिको पहिचानलाई स्वीकारे मात्र राष्ट्र बलियो हुन्छ ।’
यसैबीच आगामी भदौ महिना भित्र बागमती प्रदेशमा तामाङ र नेवार भाषालाई सरकारी कामकाजको भाषा बनाउन ऐन पास गर्ने बताए । ‘सरकारी कामकाजको भाषामा तामाङ भाषालाई माध्यमको भाषा बनाउन पारित भएको छ ।’ उनले भने, ‘केहिदिन पछि सदन सुचारु हुन्छ र त्यो ऐन पेस हुनेछ । त्यसपछि तामाङ र नेवार भाषा वाग्मती प्रदेशको सरकारी कामकाजको भाषा हुनेछ ।’
प्रतिक्रिया गर्न लग इन गर्नु होस्:
Log in with Google