.png "Win Recruit Nepal"){kind=logo}
काभ्रे । महाभारत गाँउपालिकामा नेकपा एमाले पार्टी परित्याग गरी ७ जना भन्दा बढी युवा नेपाली कांग्रेसमा प्रवेश गरेका छन् । महाभारत गाँउपालिकामा आयोजित एक कार्यक्रमकाबीच ती युवाहरुश्र नेपाली कांग्रेसमा प्रवेश गरेका हुन् ।
नेपाली कांग्रेस काभ्रेका सभापति तथा बागमती प्रदेशका खानेपानी, ऊर्जा तथा सिंचाइ मन्त्री तीर्थ लामा र महाभारत गाउँपालिका उपाध्यक्ष सगर मोक्तानले उनीहरुलाई स्वागत गरे ।
एमालेले जनतालाई धोका दिएको भन्दै नव प्रवेशी युवाहरुले अबका दिनमा कांग्रेसमा आवद्ध भएर आम नागरिकको सेवा गर्ने बताए ।
कार्यक्रममा काभ्रे क्षेत्र नं. १ काे प्रदेश सभा (क)का कांग्रेस सभापति राम योन्जन, उपसभापति रणबहादुर तामाङ, कोषाध्यक्ष रमेश लामा र पदाधिकारीकाे उपस्थिति रहेकाे थियाे । त्यस्तै, नेविसंघका केन्द्रीय सदस्य प्रेम लामा र नेपाल तरुण दलका नेताहरुलगायतकाे उपस्थिति रहेकाे थियाे ।
*यसअधि याे समाचारमा ७ जना भन्दा बढी युवा हुनुपर्नेमा अन्यथा पर्न गएकाेमा सच्याएका छाैं । यहाँमा पर्न गएकाे असरप्रति क्षमा चाहन्छाैं - सम्पादक
प्रतिक्रिया गर्न लग इन गर्नु होस्:
Log in with Google