.png "Win Recruit Nepal"){kind=logo}
काभ्रे । नेपाली कांग्रेस काभ्रेका सभापति तथा बागमती प्रदेश सभा सदस्य तीर्थ लामाले धुलिखेल नगरपालिका वडा नं ८ मा निर्माण भईहरेको अरनिको राजमार्ग देखि रबिदोमान सडक निर्माण कार्यको अनुगमन गरेका छन् । धुलिखेल नगरपालिका उपमेयर निराजन जंगम, वडा ८ का वडाध्यक्ष बिनोद गौतमलगायत स्थानीयको उपस्थितिमा सांसद लामाले सो सडक निर्माण कार्यको अनुगमन गरेका हुन् ।
सो अवसरमा सांसद लामाले सडको लागि थप बजेटको व्यवस्था गर्न पहल गर्ने बताए । स्थानीयहरु सँग पनि समस्याको विषयमा छलफल गरेको अनुगमनमा सहभागी एक स्थानीयले बताए । लामा सत्ता पक्ष वा प्रतिपक्ष जे भएपनि काभ्रेकाे विकासकाे लागि लाग्ने नेता भएकाे स्थानीयकाे धारणा छ ।
सांसद लामाले आफूले चुनावको समयमा गरेका प्रतिबद्धता नभुलेको बताए । उनले भने, ‘यो ठाउँको विकास गर्नु जनताको जिवनस्तर उकास्नु हाम्रो काम हो । नागरिकलाई दिएको वचन कहिल्यै पनि निराशामा परिणत हुन दिने छैन् ।’
अनुगमनको क्रममा सांसद लामाले समयमा नै काम सकाउन निर्देशन दिए । काभ्रे धुलिखेल नगरपालिका ८ मा अरनिको राजमार्ग देखि रविदोमान सम्मको सडक निर्माण गर्न आव २०७९–८० मा प्रदेश सरकारले पचास लाख रकम बिनियोजन गरेको थियो । साे रकम सांसद लामाकै पहलमा प्रदेश सरकारबाट विनियाेजना गरिएकाे थियाे ।
प्रतिक्रिया गर्न लग इन गर्नु होस्:
Log in with Google