.png "Win Recruit Nepal"){kind=logo}
काभ्रेपलाञ्चोक । खानीखोला गाउँपालिका ५ का जनप्रतिनिधिहरु लौरो र छाता बोकेर जनताको घर–घरमा पुगेका छन् । सामाजिक सुरक्षा भत्ता पाउने नागरिकलाई हिँडडुल गर्दा वर्षातमा समस्या नहोस र पानीबाट जोगिन सहयोग होस् भनेर छाता उपहार दिइएको गाउँपालिकाले जनाएको छ । कार्यक्रमका प्रमुख अतिथि पालिकाका अध्यक्ष इन्द्रबहादुर थिङ (छिन्ताङ) को प्रमुख अतिथ्यतामा कार्यक्रम सम्पन्न भएको छ ।
विकट भूगोल भएकाले हिडडुल गर्न सेवाग्राहीले सास्ती बेहोरेपछि वडामै पुगेर सेवा दिएको जानकारी दिए । पानी पर्ने मौसममा घण्टौँ हिँडेर आउँदा सेवाग्राहीले सास्ती बेहोरिरहेको देखेपछि वडाबाट छाता र लौरो उपलब्ध गराउन थालेको उनले बताए । उनले भने, ‘ जनप्रतिनिधिले जेष्ठ नागरिककालाई मायाँको चिनो स्वरुप बितरण गरेका हौँ । वडा ५ पालिकाकाकै केन्द्र भएकोले भत्ता लिन आउन गाउँपालिकाको केन्द्रमै बैंक रहेकाले बैंकसम्म आउन अरु वडाको तुलनामा अलि सहज भएकोले सुरक्षा भत्ता बैठकबाटै वितरण थालिएको हो ।
खानीखोला जिल्लाको विकट गाउँपालिकामध्येमा पर्छ ।गाउँपालिकाको केन्द्र ज्येष्ठ नागरिक, अशक्त, एकल र विधवालाई वडामै पुगेर छाता र लौरो उपलब्ध गराइएको हो । सिङ्गो गाउँपालिका नै जनताको वडा वडामै पुगेपछि खाली हात नजाने भन्दै छाता र लौरो उपहारसमेत गाउँपालिकाले उपलब्ध गराएको छ ।
आज असार १५ धान दिवस तथा दही चिउरा खाने दिन भएकोले गाउँपालिकाले छाता र लौरो उपहार दिएर दही चिउरा खाएर असार १५ मनाएपछि यहाँका नागरिक निकै खुसी छन् । ७८ वर्षका बलबहादुर श्रेष्ठले पालिकाका सरकारलाई सरकार भएको अनुभूति मिलेको बताए ।
त्यस्तै, अर्का स्थानीय खडनन्द आचार्यले पहिलो पटक गाउँमै सरकार आएको अनुभूति भएको उल्लेख गरे । गाउँपालिकाले आफ्ना समस्या बुझ्न र भत्ता छाता र लौरो दिन आफ्नो वडाबाटै लिन पाउँदा निकै खुसी लागेको बताए ।
सामाजिक सुरक्षा भत्ता लिन आउने जाने बर्खामा काम लागोस् भनेर छाता र लौरो उपहार दिइएको अध्यक्ष थिङले उल्लेख गरे । पहिलो चरणमा गाउँपालिकाको केन्द्रसम्म सहज यातायातको पँहुच नभएका वडास्तरबाट भत्ता वितरण सुरु गरेको हो । त्यसको सुरुवात वडा नं ४ बाट गरिएको छ ।
यातायात र बैंकसँगको पहुँच नभएका, वृद्धवृद्धा, अशक्त अपाङ्गता भएका नागरिकलाई पालिकाले दिएको सेवाबाट यहाँका नागरिक निक्कै खुसी देखिएका छन् ।
गाउँपालिकामा १ हजार १०७ जनाले सामाजिक सुरक्षा भत्ता लिने गरेका छन् । वडा ५ बाट १०९ जनाले सामाजिक सुरक्षा भत्ता लिदै आएका वडाध्यक्ष बुद्धि बहादुर स्याङ्तान (बाबू) ले बताए ।
गाउँपालिकाका उपाध्यक्ष दोर्जेमान जिम्वाले आफ्ना नागरिकले वडाबाटै सामाजिक सुरक्षा भत्ता वितरणको माग गरेपछि भत्तासँगै लौरो र छाता लिएर पुगेको जानकारी दिए ।
कार्यक्रममा विशिष्ट अतिथी उपाध्यक्ष दोर्जे मान जिम्बा, प्रशासन शाखा प्रमुख रामकृष्ण अर्याल , मिना पाख्रीन, प्रेम लामा, खडक बिक, बिन्दा आचार्य , स्वास्थ्यकर्मी प्रेम खडका बुद्धिजीवी , समाजसेवी , लगाएको उपस्थितिमा बुद्धि बहादुर स्याङ्तानको अध्यक्षता कार्यक्रम सम्पन्न भएको थियो । कार्यक्रम सन्चालन वडा सचीव चण्डिका थापाले गरेकी थिइन ।
प्रतिक्रिया गर्न लग इन गर्नु होस्:
Log in with Google