.png "Win Recruit Nepal"){kind=logo}
काठमाडाैं । सुदूरपश्चिम प्रदेशका मुख्यमन्त्री राजेन्द्रसिंह रावलले प्रदेश प्रमुख देवराज जोशीसमक्ष राजीनामा बुझाएका छन् । बिहीबार प्रदेशसभामा विश्वासको मत प्राप्त नभएसँगै उनी पदमुक्त भएका थिए । प्रदेश सभाबाट विश्वासको मत पाउन नसकेपछि रावल नियुक्त भएको ३० दिनमै पदमुक्त भएका हुन् ।
बिहीबारको प्रदेशसभामा उनले विश्वासको मत मागेका थिए । सभामुखले उनको मागलाई निर्णयार्थ पेस गरेकोमा रावलले बहुमत सांसदको समर्थन पाउन सकेनन् । बहुमत सांसदको समर्थन नपाएसँगै उनी नेतृत्वको सरकार ३० दिनमै ढलेको छ । यसअघि उनी गत पुस २७ गते मुख्यमन्त्रीमा नियुक्त भएका थिए ।
उनलाई नेकपा माओवादी केन्द्र, नेकपा एमाले, राप्रपा र नागरिक उन्मुक्ति पार्टीले समर्थन् गरेर मुख्यमन्त्री बनाएका थिए । अहिले सरकारलाई समर्थन गरेको नागरिक उन्मुक्ति पार्टीले विश्वासको मत नदिएपछि सरकार ढलेको हो ।
प्रदेश प्रमुख देवराज जोशीले आजै नेपाली कांग्रेस संसदीय दलका नेता कमल शाहलाई मुख्यमन्त्री नियुक्त गर्ने तयारी गरेका छन् ।
प्रतिक्रिया गर्न लग इन गर्नु होस्:
Log in with Google