.png "Win Recruit Nepal"){kind=logo}
काभ्रे । तेमाल गाउँपालिकाका अध्यक्ष चन्द्रबहादुर तामाङ वर्षाका कारण बन्द हुने सडक खोल्न टाेलि नै बनाएर एक्सनमा उत्रिएका छन् । अध्यक्ष तामाङले गाउँपालिकाको डोजर परिचालन गरेर बाटो खुलाउने बताएका हुन् । उनले सूचना जारी गर्दै सडक बन्द भएमा वा अन्य विपद् आइपरेमा खबर गर्न भनेका छन् । उनले भनेका छन्, ‘विपद् भएको खण्डमा यथाशीघ्र खबर गर्नुहोला । डोजर अपरेटरको मोवाइल नं ९८४१७९७९११ मा सम्पर्क गर्न तेमालबासीलाई अनुरोध छ ।’
आँफै खटिएर आम नागरिकका समस्यामा साथ दिने गरेका अध्यक्ष तामाङको यो सूचनापछि धेरैले राम्रो काम भन्दै प्रशंसा गरेका छन् ।
आइतबार तेमालको वडा ३ मा पहिरो गएर पुरै भासिएको सडक निर्माण तथा खोल्ने कार्य जारी रहेको गाउँपालिकाका डोजर अपरेटर दिपेन्द्र उदासले जानकारी दिए । उनका अनुसार बाटो खोल्न स्थानीयसहित पालिका अध्यक्ष पनि खटिएका थिए । आज वडा ६ मा बन्द भएको सडक खोल्न लागेको समेत उदासले जानकारी दिए ।
गाउँपालिका भित्रका स्थानीय सडक बन्द भएको सूचना निरन्तर आइरहेको बताउँदै उदासले १ देखि ९ सम्मका बडामा सडक अवरुद्ध भएको भन्ने खबर छ, खोल्न टोलि खटिएको बताए ।
प्रतिक्रिया गर्न लग इन गर्नु होस्:
Log in with Google