कञ्चनपुरमा दोहोरो नागरिकता लिएको अभियोगमा श्रीमान्-श्रीमती पक्राउ

दर्पण दैनिक २० असार २०८०,०८:३७
post

कञ्चनपुर । कञ्चनपुरमा दोहोरो नागरिकता लिएको अभियोगमा दुईजना पक्राउ परेका छन् । पक्राउ पर्नेहरूमा बैतडी पञ्चेश्वर गाउँपालिका-५ की ३९ वर्षीया कलावती चन्द र ५८ वर्षीय गम्भीर चन्द रहेका छन् ।

उनीहरूलाई सोमबार पक्राउ गरी जिल्ला अदालत कञ्चनपुबाट  म्याद थप भइ अनुसन्धान अगाडि बढेको जिल्ला प्रहरी कार्यालय कञ्चनपुरका डिएसपी प्रकाश डाँगीले जानकारी दिए ।

उनका अनुसार गम्भीर र कलावती श्रीमान्-श्रीमती हुन् । कलावतीको दोस्रो विवाह गरी कञ्चनपुर आएकी थिइन् ।

उनले पहिलो श्रीमानपट्टिबाट बनाएको नागरिकता नत्यागी दोस्रो श्रीमानपट्टिबाट नागरिकता बनाएको डिएसपी डाँगीले जानकारी दिए ।

०६३ मा जिल्ला प्रशासन कार्यालय बैतडीबाट किस्मतिदेवी चन्दको नामबाट नागरिकता लिएकी र दोस्रो विवाह गरेपछि ०६७ मा जिल्ला प्रशासन कार्यालयबाट कलावतीको नाउँबाट नागरिकता लिएको भेटिएको डिएसपी डाँगीले बताए । पक्राउ परेका दुबैजनामाथि अनुसन्धान भइरहेको डिएसपी प्रकाश डाँगीले  जानकारी दिए । 

सम्बन्धित खबर

post

‘घरघरमा सांसद’ अभियान

२६ माघ २०७९,११:५३
post

महामूर्खको उपाधि मेयर साहलाई

२३ फाल्गुन २०७९,१९:३३
post

बैतडीका तीन युवती बेपत्ता

२१ चैत्र २०७९,१२:१२
post

घरभाडा घटाउन माग

३० चैत्र २०७९,१४:१४
post

आज सुदूरपश्चिम बन्द

२८ जेष्ठ २०८०,०९:१६
post

बनेपाको पुलमाथि खोला

२३ श्रावण २०८०,०९:४२
post

८९ वर्षको उमेरमा नागरिकता

२७ श्रावण २०८०,१०:५१

प्रतिक्रिया गर्नुहोस्

प्रतिक्रिया गर्न लग इन गर्नु होस्: