.png "Win Recruit Nepal"){kind=logo}
काभ्रे । तेमाल गाउँपालिका वडा नं २ फुलडाँडाका आसमान तामाङलाई राहत सामाग्री वितरण गरिएको छ । गाउँपालिका अध्यक्ष चन्द्रबहादुर लामा र वडा ३ का वडाध्यक्ष विष्णुबहादुर तामाङले आगलागी पीडित तामाङलाई राहत सामाग्री हस्तान्तरण गरेका हुन् ।
आगलागीबाट भएको क्षतीको अध्यक्ष चन्द्र बहादुर लामा अनुगमन तथा निरीक्षण गररेपछि सो राहत हस्तान्तरण गरिएको हो । अनुगमनका क्रममा आगलागी पीडित तामाङलाई तत्कालै राहत व्यवस्थापन गर्ने अध्यक्ष लामाले प्रतिबद्धता जनाएका थिए ।
तामाङलाई ५० किलो चामल, १५ किलो दाल, ३ वटा डस्ना, २ वटा सिरक, ३ वटा ब्ल्यांकेट, ४ वटा सिरानी, ५ किलो चिनी, एक कार्टुन खाने तेल र ४ किलो मसला वितरण गरीएको छ ।
सोमबार साँझ करिव ६ बजेको समयमा अचानक विद्युत लाईन सर्ट भई तामाङको घर आगलागीबाट पूर्णरूपमा क्षती भएको थियो । आगलागीबाट मानवीय क्षति भने भएको छैन । घरमा रहेको अन्नपात, लत्ताकपडा एवम् घर पूर्णरूपमा नष्ट भएको थियो ।
प्रतिक्रिया गर्न लग इन गर्नु होस्:
Log in with Google