.png "Win Recruit Nepal"){kind=logo}
काभ्रे । बागमती प्रदेश सरकारको खानेपानी, उर्जा तथा सिंचाई मन्त्री तीर्थ लामाले जिल्लावासीको समस्या सम्बोधन गरी विकास निर्माणको काममा सक्रिय रहने बताएका छन् । नेपाली कांग्रेस नमोबुद्व काठमाडौं सम्पर्क समितिले मन्त्री लामाको सम्मानमा आयोजना गरेको कार्यक्रमलाई सम्बोधन गर्दै उनले यस्तो बताएका हुन् ।
उनले भने, ‘पद र सत्ता अस्थायी हुन्, पार्टी र जनाधार स्थाई हो । म आम जिल्लावासीको समस्या सम्बोधन गरी विकास निर्माणको काममा सक्रिय रहनेछु ।’ काभ्रेको विकासको लागि दिन रात नभनि लाग्ने र जनताको जनमतको कदर गरि जनताको जीवनस्तर उकास्न लागपर्ने बताए ।
नेपाली कांग्रेस नमोबुद्व काठमाडौं सम्पर्क समितिले नेपाली कांग्रेस काभ्रेको सभापति एवं प्रदेश सभा सदस्य तीर्थ लामा बागमती प्रदेश सरकारको खानेपानी, उर्जा तथा सिंचाई मन्त्री भएको अवसरमा बधाई तथा शुभकामना आदान–प्रदान कार्यक्रम राखदेको थियो ।
प्रतिक्रिया गर्न लग इन गर्नु होस्:
Log in with Google