.png "Win Recruit Nepal"){kind=logo}
सन्तोष दहाल, ललितपुर । यही चैत्र २३ देखि २५ सम्म आयोजना हुने नेपाल कम्युनिष्ट पार्टी ( एमाले ) लो नव जिल्ला अधिवेशनको तयारी तीव्र हुँदै छ । बुधबार बसेको जिल्ला कमिटिको पूर्ण बैठकले अधिवेशनका लागि तयार पारिएको प्रतिवेदन सर्वसम्मत रुपमा पारित गरेको छ । बैठकले आगामी चैत्र १५ गते एकैदिन ७९ वटै वडाबाट प्रतिनिधि टुङ्ग्याउने निर्णय गरेको छ ।
साथै १६ गते सबै प्रतिनिधिको रेकर्ड जिल्ला पार्टी कार्यालयमा पठाउनु पर्ने बताईएको छ । प्रतिनिधि छनोटको लागि भूगोल तर्फ सबै वडा निर्वाचम क्षेत्र हुनेछ भने समावेशी तर्फ पालिका निर्वाचन क्षेत्र हुनेछ । प्रतिनिधि चयनको मापदण्ड अनुसार भूगोल तर्फ प्रत्येक १५ संगठित सदस्य बराबर १ जना प्रतिनिधि र बाँकी ५० प्रतिशत कटेमा थप ९ प्रतिनिधि निर्वाचित हुनेछन् । यसैगरी समावेशी तर्फ प्रत्येक १० संगठित सदस्य बराबर १ प्रतिनिधि निर्वाचित हुनेछन् ।
साथै अनुसूची ९ को जनसंगठनबाट ३ जना तथा अनुसूची २ को जनसंगठनबाट २ जना प्रतिनिधि चयन हुनेछन् । तीन दिनसम्म चल्ने अधिवेशन इमाडोलको आँगन पार्टी प्यालेसमा हुनेछ। यसपटक उद्घाटन सत्र समेत खुल्ला स्थानमा नगर्ने जिल्ला कमिटिले निर्णय गरेको छ । जिल्ला कमिटी बैठकमा पार्टी स्थायी कमिटी सदस्य तथा ललितपुर जिल्ला इन्चार्ज शेरबहादुर तामाङले नवौँ जिल्ला अधिवेशनलाई एकता अधिवेशनको रुपमा सम्पन गर्न र सकेसम्म सहमतिमै नेतृत्व चयन गर्न निर्देशन दिएका छन् ।
दीर्घकालसम्म पार्टी एकढिक्का बनाएर लानको लागि तयारी गर्न समेत उनको निर्देशन छ । जिल्ला कमिटी बैठकमा अध्यक्ष पुरुषोत्तम आचार्यले प्रतिवेदन पढेर सुनाएका थिए । उक्त बैठकमा स्थायी कमिटी सदस्य तामाङ सहित पोलिटव्युरो सदस्य सुशीला नेपाल, केन्द्रिय सदस्य हरिकृष्ण व्यन्जनकार बाबुराम थापा लगायतको सहभागिता रहेको थियो ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google