.png "Win Recruit Nepal"){kind=logo}
काभ्रे । नेपाली कांग्रेस काभ्रेको राजनीतिमा लामो समय क्रियाशिल पुर्व जिल्ला सभापति शिवप्रसाद हुमागाई नेपाली कांग्रेस केन्द्रीय सदस्य मनोनित भएका छन् । सभापति शेरबहादुर देउवाले हुमागाईसहित ८ जनालाई केन्द्रीय सदस्यमा मनोनित गरेका हुन् ।
महाधिवेशनबाट निर्वाचित नभएका महाधिवेशन प्रतिनिधिहरूबाट ३३ केन्द्रीय सदस्य देउवाले मनोनीत गर्न पाउँछन् । यसअघि नै धेरै जना मनोनीत गरिसकेका देउवाले बिहीबार आठ केन्द्रीय सदस्य मनोनीत गरेका हुन् ।
कांग्रेसको विज्ञप्तिमा भनिएको छ 'नेपाली कांग्रेसका सभापति शेरबहादुर देउवाले नेपाली कांग्रेसको विधान, २०१७ (संशोधनसहित) को धारा २१ को उपधारा (१०) बमोजिम मानबहादुर विश्वकर्मा (अर्घाखाँची), अर्जुनप्रसाद जोशी (पर्वत), डा. चन्द्र भण्डारी (गुल्मी), शिवप्रसाद हुमागाई (काभ्रेपलाञ्चोक), किरणराज शर्मा पौडेल (बाग्लुङ), भरतकुमार शाह (रुपन्देही), शारदा पौडेल (कास्की) र अनिलकुमार रुंगटा (पर्सा) लाई नेपाली कांग्रेस केन्द्रीय कार्यसमितिको सदस्य पदमा मनोनयन गर्नु भएको छ ।'
को हुन् शिव हुमागाई ?
२०३६ सालमा विधार्थी आन्दोलनबाट राजनीति शुरु गरेका हुमागाईले २०४० देखि २०४६ सम्म नेपाल विद्यार्धी संघ जिल्ला सभापतिको रुपमा समेत नेतृत्व सम्हालेका थिए । २०४८ देखि २०५१ सम्म काभ्रे क्षेत्र नं ३ को सभापति र जिल्ला सभापतिको भुमिका निर्वाह गरेका हुमागाईले १५ बर्ष काभ्रे जिल्लामा पार्टीको नेतृत्व गरेका थिए ।
२०५६ सालमा प्रतिनिधी सभा सदस्यमा निर्वाचित भएका हुमागाईले २०५९ सालमा केन्द्रीय संगठन विभागको सदस्य सचिव भएर पनि काम गरेका थिए । पटक पटक जेल जीवन विताएका हुमागाईकै नेतृत्वमा २०६२-६३ सालको जन आन्दोलनमा बागबजारमा कर्फ्यु तोडिएको थियो ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google