.png "Win Recruit Nepal"){kind=logo}
काठमाडौं । प्रधानमन्त्री पुष्पकमल दाहाल प्रचण्डले आगामी आर्थिक वर्षका लागि प्रस्तुत नीति तथा कार्यक्रम कार्यान्वयन हुन सक्ने बताएका छन् । गत शुक्रबार संसद्को संयुक्त बैठकमा प्रस्तुत नीति तथा कार्यक्रमबारे उठेका प्रश्नको मंगलबार राष्ट्रियसभामा जवाफ दिँदै उनले उनले यस्तो बताएका हुन् ।
‘अहिलेको नीति तथा कार्यक्रम गन्तव्यविहीन छैन । यसले गठबन्धनको साझा आवाज बोक्न सकेको छ’, उनले भने, ‘यो नीति तथा कार्यक्रम कल्पनाको पुलिन्दा होइन । कार्यान्वयन योग्य विषय र सूची यसमा समावेश छ। सरकारले यसलाई कार्यान्वयन गर्न सक्छ ।’
प्रचण्डले देशमा दुरगामी महत्वको राजनीतिक परिवर्तन राष्ट्रिय सहमतिको बलमा सम्भव भएको बताउँदै नीति तथा कार्यक्रम पनि त्यसैगरी कार्यान्वयन गरिने बताए । उनले विषय वस्तुको गाम्भीर्यतालाई ध्यान दिए मात्रै बजेट निर्माणको काममा अघि बढ्न बताएका छन् ।
देशको आर्थिक संकट थेग्नै नसक्ने गरी नबिग्रिएको उनले बताए । ‘कोभिड महामारीपछि रसिया-युक्रेन युद्धको असर पनि हामीमा परेको छ’, उनले भने, ‘अन्य कारणले पनि आर्थिक मन्दी देखिएको छ । तर हामी कृषि, पर्यटन र उद्योगलाई बढावा दिएर आर्थिक अवस्थालाई आत्मनिर्भर बाटोतर्फ लैजान्छौँ ।’
1679298112.jpg)
1674115170.jpg)
.jpg)
