.png "Win Recruit Nepal"){kind=logo}
काठमाडौँ । राष्ट्रिय स्वतन्त्र पार्टीले ७ वटै प्रदेशमा ‘सर्वाङ्गीण संवाद’ गर्ने भएको छ । सामेबार बसेको सचिवालय बैठकले आगामी फागुन महिनामा त्यस्तो संवाद गर्ने भन्दै त्यसका लागि नेताहरु समेत तोकेको कार्यवहाक प्रवक्ता प्रतिभा रावलले जानकारी दिइन् ।
रास्वपाका केन्द्रीय सचिवालय सदस्य र पदाधिकारी र सांसदहरूलाई त्यसको जिम्मेवारी दिएको हो । सुदूरपश्चिम प्रदेशमा दीपक बोहरा र प्रतिभा रावल तोकिएका छन् भने कर्णाली प्रदेशमा लिमा अधिकारी, लुम्बिनीमा विपिनकुमार आचार्य र गण्डकीमा शिशिर खनाल तोकिएका छन् ।
त्यस्तै वागमतीमा सन्तोष परियार र बसुमाया तामाङ, मधेशमा विराजभक्त श्रेष्ठ र मनिष झा रहेका छन् भने कोसी प्रदेशम सुमना श्रेष्ठ र रमेश प्रसाईं रहेका छन् ।
विज्ञप्ति
राष्ट्रिय स्वतन्त्र पार्टीको आज केन्द्रीय कार्यालयमा बसेको पार्टी सचिवालयको बैठकले देहायका निर्णयहरु गरेको छ ।
१. संसदमा दुई तिहाई बहुमत भएको सरकारको अक्षमता र निरीहता स्पष्टसँग प्रदर्शित हुँदा सम्पूर्ण व्यवस्थामाथि नै प्रश्न चिन्ह खडा हुने अवस्था निम्तनुमा वर्तमान गठबन्धनका दुई प्रमुख साझेदार दलहरुले नैतिक जिम्मेवारी लिन पर्ने निष्कर्ष रास्वपाको छ । विगत ६ महिनामा गठबन्धन निर्माणको घोषित उद्देश्य अनुरुप कुनै पनि नतिजा नदेखिएको पृष्ठभूमिमा संसदको आसन्न अधिवेशनको ३ हप्ताअघि हतारहतार हतास मनस्थितिमा काम देखाउन सरकारले पाँचवटा अध्यादेश ल्याएको प्रक्रिया र नियत खोटपूर्ण रहेको ठहर गर्दै, ति अध्यादेशका अन्तर्वस्तुगत सारमाथि रास्वपाका सांसदहरुले गुण-दोषका आधारमा खरो बहस गर्ने निर्णय भएको छ ।
२. बैठकले पार्टीका विषयगत विभाग संचालन नियमावली २०८१ को संशोधन प्रस्ताव, संगठन विभाग नियमावली २०८१ र निर्वाचन आयोगको नियमावली २०८१ पारित गरेको छ ।
३. देहायका केन्द्रीय सचिवालय सदस्य/पदाधिकारीहरुको नेतृत्वमा आगामी फागुन महिनामा सातै प्रदेशमा "सर्वाङ्गीण संवाद" गर्ने । संवाद कार्यक्रममा उपयुक्तता अनुसार केन्द्रीय नेता र सांसदहरुलाई संवाद कार्यक्रममा समावेश गर्ने ।
सुदुरपश्चिम प्रदेश - श्री दिपक बोहरा र श्री प्रतिभा रावल
कर्णाली प्रदेश - श्री लिमा अधिकारी
लुम्बिनी प्रदेश - श्री विपिन कुमार आचार्य
गण्डकी प्रदेश - श्री शिशिर खनाल
वागमती प्रदेश - श्री सन्तोष परियार र श्री बसुमाया तामाङ
मधेश प्रदेश - श्री विराजभक्त श्रेष्ठ र श्री मनिष झा
कोशी प्रदेश - श्री सुमना श्रेष्ठ र श्री रमेश प्रसाईं
४. प्रदेश समितिलाई प्रदेश तहमा ३ सदस्यीय कार्यदल बनाई सम्बन्धित प्रदेशभित्रका स्वतन्त्र जनप्रतिनिधिहरुलाई रास्वपामा आबद्ध गर्न गराउन सुझावसहितको प्रतिवदेन पार्टी महामन्त्रीलाई बुझाउन निर्देशन दिने ।
५. केन्द्रीय सदस्य श्री कामिनी चौधरीलाई केन्द्रीय संगठन विभाग सदस्यमा मनोनयन गर्ने ।
६. प्रदेश समितिमा रिक्त पदाधिकारी तथा सदस्य पदपूर्तिका लागि सो सम्बन्धी कार्यविधि बमोजिम गर्न गराउन केन्द्रीय संगठन विभागलाई सहजीकरणका लागि निर्देशन दिने ।
प्रतिभा रावल
प्रवक्ता (कार्यवाहक)
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google