.png "Win Recruit Nepal"){kind=logo}
काठमाडौं । नेकपा एमालेकी सांसद डा. विमला राई पौड्यालले प्रहरीले बोल्न नदिएर मुख थुनेको विषयमा सरकारसँग जवाफ मागेकी छन् । मंगलबार प्रधानमन्त्री दाहाल सहभागी एक कार्यक्रममा केही युवाले नाराबाजी गर्दा प्रहरीले मुख थुनेर बोल्न नदिएको घटनामा बुधबारको राष्ट्रियसभा बैठकमा सांसद राईले सरकारलाई प्रश्न गरेकी हुन् । ती युवाहरूले प्रधानमन्त्रीलाई आफ्ना कुरा राख्न पाउनुपर्ने माग गर्दा प्रहरीले मुख थुन्दै पक्राउ गरेको थियो ।
उनले युवाहरू बोल्न खोजेका बेलामा प्रहरीहरूले जबर्जस्ती मुख थुनेको र घाँटी न्याकिरहेको देखिएको भन्दै नागरिकले बोल्न पाउने अधिकारमाथि सरकारले ज्यादती गर्नुको कारण खोजिन् ।
‘हिजोदेखि सञ्चार जगत र सामाजिक सञ्जालमा केही युवाहरू बोल्न खोजेको र केही प्रहरीहरूले उनीहरूको जबर्जस्ती मुख थुनेको र घाँटी न्याकिरहेको देखिएको छ । लछारपछार पारिरहेको तस्बिर देखिरहेका छौं । यी युवाहरुले के बोल्न खोजेका थिए र प्रहरीले त्यस्तो ज्यादती गरेको हो ? संविधानले स्वतन्त्रतापूर्वक विचार राख्न पाउने बोल्न पाउने अधिकार सबै नागरिकलाई दिएको छ । प्रहरीले बोल्नेको मुख थुन्न मिल्छ कि मिल्दैन ?’, सांसद राईको प्रश्न थियो ।
त्यसरी मुख थुन्ने प्रहरीमाथि कारबाही भएको छ कि छैन ? भन्दै उनले गृहमन्त्रालयको ध्यानाकर्षणसमेत गराएकी छन् ।
1679298112.jpg)
1674115170.jpg)
.jpg)
