.png "Win Recruit Nepal"){kind=logo}
काभ्रे । बागमती प्रदेश सरकारका खानेपानी ऊर्जा तथा सिंचाई मन्त्री तीर्थ लामाले काभ्रेलाई विकासित र शिक्षित बनाउने अभियानमा सबैको सहकार्य आवश्यक रहेको बताएका छन् । विश्व शान्ति दिवस तथा विश्व पर्यटन दिवसको अवसरमा पनौतीमा आयोजित पनौतीदेखि नमोवुद्धसम्मको विश्व सास्कृतिक शान्ति पदयात्राको उद्घाटन कार्यक्रममा बोल्दै मन्त्री लामाले यस्तो बताएका हुन् ।
मन्त्री लामाले भने, ‘काभ्रेको यो सुन्दर पवित्र क्षेत्रमा यो विश्व शान्ति दिवसलाई सभ्य र भव्यताका साथ सम्पन्न गर्नका लागि विभिन्न स्थनबाट पाल्नु भएका सम्पूर्णमा यो सुन्दरनगरी पनौतीमा हार्दिक स्वागत र सम्मान छ । यो क्षेलाई बनाउने यस क्षेत्रका सबैको कर्तव्य रहेको छ ।’ उनले भने, ‘सबैले मनन गरौं, यति सुन्दर ठाँउलाई हामी सबैले बस्न लायक बनाउनु पर्दछ ।’ काभ्रेलाई विकसित तथा शिक्षित बनाउन आफू निस्किसकेको उनले बताए । काभ्रेका सम्पदाहरु नमोबुद्ध, पनौतीलगायतका क्षेलाई विश्वसम्पदा सूचीमा समेट्नको लागि आफूले सक्दो प्रयास गर्ने मन्त्री लामाले उल्लेख गरे ।
काभ्रेको एक प्रसिद्ध ठाँउ पनौती र नमोबुद्बलाई थप व्यवस्थित बनाउन सबै तहका सरकार र स्थानीयले योगदान दिनुपर्नेमा लामाले जोड दिए । उनले भने, ‘पनौती र नमोबुद्बले विश्वको ध्यान तान्न सक्छन्, यी क्षेत्रसँग अरु क्षेत्रलाई पनि प्रमुख पर्यटकीय गन्तब्य बनाउन तर्फ सोचौं ।’
विश्व शान्ति दिवस तथा विश्व पर्यटन दिवसको अवसरमा काभ्रे सेवा समाज र जिल्ला समन्वय समिति लगायत अन्य विभिन्न संघ संस्थाहरुले पनौती देखि नमोबुद्ब सम्मको पदयात्रा उद्घाटन कार्यक्रमलाई पूर्वमन्त्रिपरिषद्का अध्यक्ष तथा पूर्व प्रधानन्यायाधीश खिलराज रेग्मी उद्घाटन गरेका थिए । उद्घाटन कार्यक्रममा बोल्दै रेग्मीले शान्ति लडेर जितेर हैन प्रेम, सद्भाव र समझदारीबाट मात्र प्राप्त हुने बताए । मानिसको चाहना सुख र शान्ति भएको भन्दै उनले पहिलो र दोश्रो विश्व युद्धले समेत विनासबाहेक केहि नदिएको बताए ।
ऐतिहासिक, सांस्कृतिक एवं धार्मिक महत्व बोकेको पनौती–नमोवुद्ध पदयात्राले शान्ति र सस्कृति प्रेमी नेपालीको व्यवहारिक पहिचान दिन सफल हुने उनको भनाई थियो । जिल्ला समन्वय समिति काभ्रे र काभ्रे सेवा समाजको सयुक्त आयोजनामा भएको पदयात्रामा उत्साहजनक सहभागिता रहेको काभ्रे सेवा समाजका अध्यक्ष प्रल्हाद केसीले जानकारी दिए ।
सो कार्यक्रममा प्रतिनिधिसभाका सदस्य पुर्वमन्त्री गोकुल बास्कोट, प्रतिनिधिसभा सदस्य पुर्वमन्त्री सुर्यमान दोङ, बागमती प्रदेश सरकारका मन्त्री लक्ष्मण लम्साललागयत काभ्रेका सुरक्षा निकायका विभिन्न तहका जिम्मेवार ब्यक्तिहरु, स्थानीय तहका जनप्रतिनिधिलगायत राष्ट्रसेवक कर्मचारीहरुको उपस्थितिरहेको थियो ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google