.png "Win Recruit Nepal"){kind=logo}
जनकपुरधाम । राष्ट्रिय मुक्ति क्रान्ति अभियानका संयोजक राजेन्द्र महतोले कांग्रेस र कम्युनिस्टबाट आएका मधेशी नेताहरू पनि औपनिवेशिक र नश्लीय चिन्तनले भरिएको आरोप लगाएका छन् । जनकपुरधाममा आयोजित बहुल राष्ट्रिय राज्य निर्माणका लागि बृहत् सम्वादात्मक कार्यक्रममा उनले मधेशी नेताहरूमाथि आक्रोश पोखे । उनले भने, ‘कांग्रेस र कम्युनिस्टबाट मधेशी नेता उत्पादन भयो । तर उनीहरूको रगतमा मदेशवाद भरेको देखिएन ।’
‘कांग्रेस र कम्युनिस्टमा औपनिवेशिक र नश्लीय चिन्तनले भरिएको पार्टी हो,’ नेता महतोले भने, ‘त्यहाँ नेतालाई पनि त्यस सम्बन्धी शिक्षा दिन्छ । त्यसैले त्यहाँबाट नेताहरू त आए, तर आफूमा सुधार गर्न सकेनन् ।’
उपेन्द्र यादव र महन्त ठाकुरलाई लक्षित गर्दै उनले मधेशी नेताबाटै आफूले धेरै दुख पाएको पीडा पोखे । उनले प्रश्न गरे, ‘मधेश त ६ वर्षदेखि मधेशी नेताकै हातमा छ । सत्ता चलाइरहेको छ । तर के परिवर्तन भयो ? जनता त विकासको अनुभूति नै गर्न पाएको छैनन् नि ।’
नेता महतोले पृथ्वीनारायण साहले विभिन्न राज्यलाई एकीकरण गरेपछि नेपाल बनाएर राम्रै गर्यो तर पहिचान समाप्त पारेर ठिक नगरेको गुनासो गरे । उनले पृथ्वीनारायणदेखि प्रचण्डसम्मले शासन गर्दा पनि हरेक जातजाति र समुदाय पहिचान र अधिकारबाट वञ्चित रहेकाले बहुल राष्ट्रिय राज्य बनाउन अभियान सुरु गरेको बताए ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google