.png "Win Recruit Nepal"){kind=logo}
काठमाडौँ । यहि मंसिर २६ गते सम्पन्न स्थानीय तह उपनिर्वाचनबाट काठमाडौँ १६ मा निर्वाचित वडाध्यक्ष रोजिना श्रेष्ठले खर्च विवरण सार्वजनिक गरेकी छन् । वडाध्यक्ष श्रेष्ठले २ लाख २४ हजार ४ सय ५० रुपैयाँ खर्च भएको विवरण सार्वजनिक गरेकी हुन् ।
जिल्ला निर्वाचन कार्यालयमा बुझाएको विवरण अनुसार मतदाता नामावली खरिदमा ४५० रुपैयाँ, सवारी साधनमा २५ हजार, सवारी इन्धनमा १२ हजार, प्रचार प्रसार सामाग्रीमा ८० हजार, ढुवानीमा ८ हजार र गोष्ठी तथा कार्यकर्ता परिचालनमा ६० हजार खर्च भएको छ ।
त्यस्तै, प्रचार प्रसार छापा तथा विद्युतीय माध्यमा १५ हजार, प्रतिनिधि परिचालनमा २० हजार र विविधमा ४ हजार खर्च भएको छ । कार्यालय सञ्चालनमा भने कुनै खर्च नभएको उनले बताएकी छन् । उनले आफ्नै घर प्रयोग गरेको बताएकी हुन् ।
निर्वाचन आयोगका अनुसार काठमाडौं महानगरपालिका वडा नम्बर १६ मा राष्ट्रिय स्वतन्त्र पार्टीकी रोजिना श्रेष्ठ २ हजार ९ सय २ मतसहित विजयी भएकी थिइन् । दोस्रो स्थानमा रहेका एमालेका लक्ष्मीरत्न तुलाधरले २ हजार २ सय २० मत र तेस्रो स्थानमा रहेका कांग्रेसका देवेन्द्र पाठकले २ हजार २ सय १४ मत पाएका थिए ।
नेकपा एकीकृत समाजवादी का मीनबहादुर मानन्धरले १ हजार ९२ मत ल्याए । राष्ट्रिय प्रजातन्त्र पार्टीका उम्मेदवार श्यामकृष्ण श्रेष्ठले ७ सय ७४ मत पाए । काठमाडौं-१६ मा १० हजार ५ सय ५८ मत खसेको थियो भने १ सय ८० मत बदर भएको थियाे ।
२०७९ को स्थानीय चुनावमा कांग्रेसबाट वडाध्यक्षमा विजयी मुकुन्द रिजालको मृत्यु भएपछि काठमाडौं-१६ मा उपनिर्वाचन भएको हो । ०७९ को निर्वाचनमा रिजाल ४ हजार १८ मतसहित विजयी भएका थिए । त्यस्तै एमालेका लक्ष्मीरत्न तुलाधरले ३ हजार १ सय १० मत ल्याएका थिए ।
1679298112.jpg)
1674115170.jpg)
.jpg)
