.png "Win Recruit Nepal"){kind=logo}
काठमाडौं । प्रधानमन्त्री पुष्पकमल दाहाल प्रचण्डको सचिवालयले सांसद अमरेश कुमार सिंहले लगाएको आरोपको खण्डन गरेको छ । सांसद सिंहले झुठको खेति गरिरहेको भन्दै भन्दै सचिवालयले प्रचलित विधि र कानुनअनुसार उपचार खोज्न प्रतिनिधिसभाको गम्भीर ध्यानाकर्षण गराएको छ ।
प्रधानमन्त्रीको सचिवालयले भनेको छ- 'मा. अमरेश कुमार सिंहले आफ्नो निहित स्वार्थ पूरा नभएपछि सम्माननीय प्रधानमन्त्रीज्यू, उहाँको परिवार र सचिवालयका विरुद्ध विद्वेषपूर्ण ढंगले अनर्गल, भ्रामक प्रचार र झुठको खेती गर्दै आएका छन् । उनको यो अस्वाभाविक प्रस्तुति र अराजनीतिक बार्गेनिङ सरकारको पूर्णतासँगै सुरू भएको तथ्य स्पष्ट नै छ ।'
स्वतन्त्र सांसद सिंहले सामाजिक संजालमा प्रधानमन्त्री छोरी गंगा दाहालले व्यापारीहरुसँग पैसा लिएको प्रमाण आफुसँग रहेको र समय आएपछि सार्बजनिक गर्ने लेखेका थिए । उनले लेखेका छन्- 'प्रधानमन्त्री छोरी तथा स्वकीय सचीव गङा दहालले कुन-कुन ब्यापारी सँग कुन-कुन मामिलामा कति रकम बुझेका छिन त्यो सबै प्रमाण म सँग सुरक्षित छ । समय आएपछी त्यो सबै प्रमाण जनता र मिडियामा लिएर जानेछु ।'
प्रधानमन्त्रीको सचिवालयले देशलाई ठग्ने उद्देश्यले एनसेल बिक्री गरेको घटनालाई सरकारले गम्भीरतापूर्वक लिई अध्धयन र छानबिनको प्रक्रिया अघि बढाइसकेको उल्लेख गरको छ ।
साथै सचिवालयले केही समयदेखि अराजनीतिक व्यक्ति र समूहले प्रधानमन्त्री र सचिवालयसँग अनुचित माग र बार्गेनिङ गर्ने र त्यस्तो स्वार्थ पूरा नभएपछि श्रृंखलावद्ध दुस्प्रचार गर्ने गरेको उल्लेख गरेको छ ।
साथै सचिवालयका सदस्यहरू सबै प्रकारका कुप्रचार, आरोप र चुनौतीहरु सामना गर्न तयार रहेको बताउदै छानविन समितिले निर्धारित समयमा काम गर्ने र सत्य सबैसामु छलङ्ग हुने उल्लेख गरेको छ ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google