.png "Win Recruit Nepal"){kind=logo}
नेकपा (एमाले) का नेता तथा पूर्वअर्थमन्त्री विष्णुप्रसाद पौडेलले विगतमा नेकपा एमालेले गरेका निर्णय र कार्यका बारेमा गम्भीर समीक्षा हुने बताउँदै व्यक्तिगत रूपमा आफ्ना कमजोरी र भूलप्रति क्षमायाचना गरेका छन् । संविधान दिवसको अवसरमा जारी शुभकामना सन्देशमा उनले भनेका छन्, 'जनताको, विशेषगरी युवा पुस्ताको आकांक्षा, असन्तुष्टि र आक्रोशलाई सम्बोधन गर्न नसक्नु, भ्रष्टाचार नियन्त्रण र सुशासनमा अपेक्षित सुधार गर्न नसक्नु नै जेन्जी आन्दोलनका प्रमुख कारण हुन् ।'
जेन्जी आन्दोलनका शहीदप्रति श्रद्धाञ्जली अर्पण तथा शोकाकुल परिवारप्रति समवेदना र घाइतेहरूको शीघ्र स्वास्थ्यलाभको कामना गर्दै उनले आन्दोलनका क्रममा भएको हिंसा, हत्या, तोडफोड र आगजनीको निष्पक्ष छानबिन गरी दोषीमाथि कानुनबमोजिम कारबाही गर्न र क्षतिग्रस्त सार्वजनिक तथा निजी संरचनाको तत्काल पुनर्निर्माण गर्न सरकारसँग माग पनि गरेका छन् । उनले आन्दोलनका क्रममा भएको हिंसात्मक गतिविधि निन्दनीय भएको दोहोर्याए ।
पाैडेलले शान्ति–सुरक्षा कायम गर्ने, भ्रष्टाचार नियन्त्रण गर्ने, सुशासन प्रवर्द्धन गर्ने, तोडफोड भएका संरचनाको पुनर्निर्माण गर्ने र तोकिएको मितिमा प्रतिनिधिसभाको निर्वाचन सम्पन्न गर्ने जिम्मेवारी प्रधानमन्त्री सुशीला कार्की नेतृत्वको मन्त्रिपरिषद्ले पूरा गर्ने अपेक्षा व्यक्त गरे ।
उनले पार्टीलाई युवापुस्तासँग एकाकार हुने, नीति र नेतृत्व निर्माणमा युवाशक्तिको निर्णायक योगदान स्थापित गर्ने र पार्टीको संगठन, कार्यशैली र आचरणमा आवश्यक परिवर्तन ल्याउने प्रतिबद्धता पनि व्यक्त गरेका छन् ।
विगतका अनुभवबाट शिक्षा लिँदै संविधानको रक्षा, कार्यान्वयन र विकासमा सम्पूर्ण नेपालीले योगदान दिनुपर्नेमा उनले जोड दिएका छन् । आपसी सद्भाव र एकताका साथ विकास, समृद्धि र सामाजिक न्यायतर्फ अघि बढ्न सबैलाई आह्वान गर्दै पौडेलले संविधान दिवसको शुभकामना व्यक्त गरेका छन् ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google