.png "Win Recruit Nepal"){kind=logo}
काठमाडाैं । प्रधानमन्त्री निवास बालुवाटारमा मंगलबार बसेको सत्ता गठबन्धनको बैठक सहमति नजुटेपछि भोलि फेरि बस्ने गरी सकिएको छ । सबै दलहरू आ-आफ्नै अडानमा रहँदा मन्त्रालय बाँडफाँटमा सहमति नजुटेको हो । मन्त्रिपरिषद् विस्तार गर्दा आफूले आठ मन्त्रालय पाउनुपर्ने कांग्रेसको अडान छ । त्यस्तै, जसपा र नेकपा एसले तीन/तीन मन्त्रालयको दाबी छाडेका छैनन् । त्यस्तै लोसपाले दुईवटा मन्त्रालय पाउनुपर्ने अडान राखेको छ ।
दलहरूले दाबी नछाड्दा मन्त्रिपरिषद् विस्तार पनि प्रभावित बनेको छ । सत्ता गठबन्धनमा मन्त्रालय भागवण्डा टुंग्याएपछि मात्रै मन्त्रिपरिषद् विस्तार हुनेछ । तर, दलहरूले अडान नछाड्दा आजको बैठक बिनानिष्कर्ष टुंगिएको हो ।
तर, बैठकमा सहभागी भएका कांग्रेस नेता रमेश लेखक भने गठबन्धनमा कुरा मिल्ने र चाँडै मन्त्रिपरिषद् बिस्तार हुने दाबी गर्छन् । 'मन्त्रिपरिषद् चाँडै बिस्तार हुन्छ, कुरा नमिल्ने कुरै छैन,' बैठकपछि लेखकले भने, 'गठबन्धनलाई दिगो बनाउन सबै दल भित्रैबाट लागिरहेका छन् ।'
आजको बैठकमा न्युनतम साझा कार्यक्रमको मस्यौपा पेस भएको र त्यसबारेमा छलफल भएको उनले भने । तर मन्त्रालय भागवण्डामा भने छलफल नभएको उनको दाबी छ । 'भागवण्डामा छलफल भएन,' लेखकले भने, 'मन्त्रालयमा मिल्ला/नमिल्ला भन्ने अवस्था छैन ।'
आजको बैठकमा गठबन्धनको साझा न्यूनतम कार्यक्रमबारे भने छलफल भएको छ । साझा न्यूनतम कार्यक्रमका सम्बन्धमा आआफ्नो दलमा छलफल गरेर भोलि बिहान ९ बजे पुनः बैठक बस्ने सहमति भएको जनाइएको छ ।
1679298112.jpg)
1674115170.jpg)
.jpg)
1691312161.jpg)
प्रतिक्रिया गर्न लग इन गर्नु होस्:
Log in with Google