प्रतिनिधिसभाको बैठकमा ४ मन्त्रालयका विभिन्न शीर्षकमाथि छलफल हुँदै

दर्पण दैनिक

३० जेष्ठ २०८१,०९:०२

काठमाडौँ । सङ्घीय संसद्अन्तर्गत प्रतिनिधिसभाको बैठक आज बस्दै छ । बैठक बिहान ११ बजे बस्ने बैठकमा विनियोजन विधेयक २०८१ को विभिन्न शीर्षकहरूमाथिको छलफल जारी रहनेछ ।

सहरी विकास, रक्षा, महिला बालबालिका तथा ज्येष्ठ नागरिक, कानुन न्याय तथा संसदीय मामिला मन्त्रालयका विभिन्न शीर्षकमाथि छलफल हुने संसद् सचिवालयले जनाएको छ ।

यसअघि हिजोको बैठकमा विनियोजन विधेयकअन्तर्गत शिक्षा, विज्ञान तथा प्रविधि, श्रम, रोजगार तथा सामाजिक सुरक्षा र कृषि तथा पशुपक्षी विकास मन्त्रालयका विभिन्न शीर्षकमा छलफल भएको थियो ।

कार्यसूची

संघीय संसद प्रतिनिधि सभा, २०७९

चौथो अधिवेशन
बैठक संख्या - १६
दैनिक कार्यसूची
२०८१ जेठ ३० गते, बुधबार
बिहान ११:०० बजे
(सम्भावित)
विनियोजन विधेयकमाथिको छलफल जारी
१. माननीय प्रेम सुवालले "विनियोजन विधेयक, २०८१ अर्न्तगत सहरी विकास मन्त्रालय, रक्षा मन्त्रालय, महिला, बालबालिका तथा ज्येष्ठ नागरिक मन्त्रालय र कानून, न्याय तथा संसदीय मामिला मन्त्रालय शीर्षकको खर्च रकममा उल्लिखित रकम घटाईयोस्" भनी खर्च कटौतीको प्रस्ताव प्रस्तुत गर्नुहुने ।
२. माननीय डा० अमरेश कुमार सिंहले "विनियोजन विधेयक, २०८१ अन्र्तगत सहरी विकास मन्त्रालय, रक्षा मन्त्रालय, महिला, बालबालिका तथा ज्येष्ठ नागरिक मन्त्रालय र कानून, न्याय तथा संसदीय मामिला मन्त्रालय शीर्षकको खर्च रकमलाई घटाई एक रुपैयाँ गरियोस्" भनी खर्च कटौतीको प्रस्ताव प्रस्तुत गर्नुहुने ।
३. माननीय अजय कुमार चौरसियाले "विनियोजन विधेयक, २०८१ अर्न्तगत सहरी विकास मन्त्रालय शीर्षकको खर्च रकमलाई घटाई एक रुपैयाँ गरियोस्" भनी खर्च कटौतीको प्रस्ताव प्रस्तुत गर्नुहुने ।
४. माननीय राजेन्द्र कुमार के.सी.ले "विनियोजन विधेयक, २०८१ अर्न्तगत रक्षा मन्त्रालय शीर्षकको खर्च रकमलाई घटाई एक रुपैयाँ गरियोस्" भनी खर्च कटौतीको प्रस्ताव प्रस्तुत गर्नुहुने ।
५. माननीय सुरेन्द्र राज आचार्यले "विनियोजन विधेयक, २०८१ अन्र्तगत महिला, बालबालिका तथा ज्येष्ठ नागरिक मन्त्रालय शीर्षकको खर्च रकमलाई घटाई एक रुपैयाँ गरियोस्" भनी खर्च कटौतीको प्रस्ताव प्रस्तुत गर्नुहुने ।
६. माननीय जिवन परियारले "विनियोजन विधेयक, २०८१ अर्न्तगत कानून, न्याय तथा संसदीय मामिला मन्त्रालय शीर्षकको खर्च रकमलाई घटाई एक रुपैयाँ गरियोस्" भनी खर्च कटौतीको प्रस्ताव प्रस्तुत गर्नुहुने ।
७. विनियोजन विधेयक, २०८१ को विभिन्न शीर्षकहरुमाथि जारी छलफल अन्तर्गत निम्नलिखित मन्त्रालयको विभिन्न शीर्षकहरुमाथि छलफल हुने ।
(क) सहरी विकास
(ख) रक्षा
(ग) महिला, बालबालिका तथा ज्येष्ठ नागरिक
(घ) कानून, न्याय तथा संसदीय मामिला