.png "Win Recruit Nepal"){kind=logo}
ललितपुर । नेकपा एमालेका महासचिव शंकर पाेखरेलले राजनीतिक अस्थिरता र अराजकता चुनाैती बन्न पुगेको वताएका छन् । नेकपा एमाले ललितपुर जिल्ला कमिटीद्वारा आज विहिबार ललितपुरकाे महालक्ष्मीस्थानमा आयाेजित भेला तथा शुभकामना आदानप्रदान कार्यक्रममा मन्तव्य राख्दै पाेखरेलले अस्थिरता र अराजकताका कारण समस्या सृजना भएको भन्दै आफूहरु प्रतिपक्षमा रहँदा पनि सरकारभन्दा जिम्मेवार भएर काम गर्न चाहान्छाैं भन्ने धारणा राखे । 'जनतामा आश र राष्ट्रकाे आवश्यक हुँदाहुँदै पनि हामी सरकारमा रहँन सकेनौं । एमाले सरकारबाट बाहिरिँदा जनतामा निराशा छाएको छ । राजनीतिक अस्थिरता बढेको छ । मुल्य वृद्धि ९ प्रतिशतभन्दा माथि पुगेको छ, एमाले सरकारमा हुँदा मुल्य वृद्धि ५ प्रतिशतभन्दा तल थियाे,' महासचिव पाेेखरेलले भने ।
उनले चाडपर्वले समाज, परिवार र राष्ट्रलाई जाेड्ने र हाम्रोजस्तो संस्कार भारतीय समाजमा पनि छैन भन्दै दशैं, तिहार हिन्दुहरुकाे मात्रै चाडपर्व हैन भन्ने जिकिर गरे । नेपालमा भन्दा धेरै हिन्दुहरु भारतमा छन् भन्दै उनले त्यहाँ हाम्रो जस्तो संस्कार र संस्कृति छैन भन्ने धारणा राखे । पछिल्लो समय जातजात, धर्म र पहिचानका नाममा नेपालकाे माैलिक संस्कृतिमाथि प्रहार गर्ने गतिविधिहरु भैरहेको भन्दै पाेखरेलले राष्ट्रलाई कमजाेर पार्ने र समाजलाई विभाजित गर्ने गतिविधिहरु भैरहेको र नेपाली समाजलाई विभाजित गर्ने प्रवृत्ति विरुद्ध लाग्नु आवश्यक रहेकाेमा जाेड दिए ।
स्थायी कमिटी सदस्य तथा ललितपुरका इन्चार्ज शेरबहादुर तामाङले एक महिनाभित्र ललितपुरका वडाभित्र टाेल कमिटी गठन गर्ने र मंसिरकाे अन्त्यतिर जिल्ला प्रतिनिधि परिषदकाे भेला गर्ने तयारी वताउँदै चाडपर्वहरुकाे अवसरमा आयाेजित कार्यक्रममा शुभकामना मन्तव्य राखे ।
त्यस्तै, बागमती प्रदेशका अध्यक्ष कैलाश ढुंङ्गेलले विश्वमा नेपालकाे काठमाडौं उपत्यकाकाे संस्कृति र सभ्यता उत्कृष्ट रहेकाे भन्दै सद्भाव र सहिष्णुतापूर्वक सद्भाव र एकतालाई कायम गर्दै चाडपर्व मनाउन आग्रह गरे ।
बागमती प्रदेश कमिटीका सचिव नवराज सिलवालले भ्रष्टाचार र अन्यायकाे विरुद्धमा बाेल्नु पर्ने अवस्थामा पार्टीका स्थानीय तहका नेता तथा कार्यकर्ताहरु कताकता अल्मलिएकाे अवस्था छ भन्दै पार्टीमाथि लागेको आक्षेपहरुलाई गलत सावित गर्दै चुनाैती दिने गरी सबै लाग्न आग्रह गरे । उनले स्थानीय पार्टी पंक्तिलाई कमिटीका बैठक बसेर जनताका समस्यामा जाेडिने गरि लाग्न आग्रह गरे ।
बागमती प्रदेश कमिटीका उपसचिव तथा ललितपुर क्षेत्र नं २ बाट निर्वाचित प्रतिनिधिसभा सदस्य प्रेमबहादुर महर्जनले विगतका निर्वाचनमा भाेगेकाे क्षतिबाट पाठ सिकेर भविष्यमा सानदार जीत हासिल गर्ने गरि लाग्न शक्ति मिल्नेछ भन्ने विश्वास व्यक्त व्यक्त गरे ।
जिल्ला अध्यक्ष पुरुषाेत्तम आचार्यले चाडपर्वकाे अवसरमा आयाेजित कार्यक्रममा शुभकामना व्यक्त गर्दै नेकपा (एकीकृत समाजवादी) मा गएकाहरुलाई पुन: पुरानै पार्टी नेकपा एमालेमा फर्कन आग्रह गरे । कार्यक्रममा ललितपुरको महालक्ष्मी नगरपालिकाका दुई दर्जनभन्दा बढि एकीकृत समाजवादीका कार्यकर्ताहरु नेकपा एमालेमा प्रवेश गरेका छन् ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google