.png "Win Recruit Nepal"){kind=logo}
काठमाडाैँ । राष्ट्रिय स्वतन्त्र पार्टी (रास्वपा)काे गोरखा-काठमाडाैँ सम्पर्क विभागको आयोजनामा आन्तरिक प्रशिक्षण कार्यक्रम सम्पन्न भएको छ । असोज २५ गते शनिबार नेता कार्यकर्ताको उल्लेख्य उपस्थितिमा कार्यक्रम समपन्न भएको हो ।
उक्त कार्यक्रममा रास्वपाका कार्यवाहक सभापति डिपी अर्यालले शुभकामनाका दिएका थिए । त्यस्तै, उपसभापति डा. स्वर्णिम वाग्लेले पार्टीको नीति, विचार, विधान र आगामी यात्राबारे प्रशिक्षण दिएका थिए ।
रास्वपाका सदस्य तथा बरिष्ट फोटोग्राफर योगेन्द्रजंग बस्नेतले दिएको जानकारी अनुसार रास्वपा नेतृ सोविता गौतमले राजनितिक दल सम्बन्धि कानुन र कुनै पनि पदमा चुनाव लड्नका लागि
कानुनी प्राबधान के के छन ? रणनिति के अपनाउनु पर्छ ? लगायतका विषयमा प्रशिक्षण दिएकी थिइन् । त्यस्तै, महामन्त्री कबिन्द्र बुर्लाकोटीले पनि संगठनको विषयमा विशेष प्रशिक्षण दिएका थिए ।
गोरखा जिल्ला सभापति सुबर्ण रोकाले समग्र गोरखाको भु–राजनितको बारेमा जानकारि दिएका थिए । उक्त कार्यक्रमको सभापतित्व गोरखा काठमाडौँ सम्पर्क विभागका सभापति साजन लामिछानेले गरेका थिए ।
कार्यक्रमका वक्ताहरूले रास्वपाले हरेक नागरिकको आशा भरोसा बोकेको र नागरिकको अपेक्षा पूरा गर्ने दाबी गरेका थिए । पछिल्लो जेनजी आन्दोलनपछिको संक्रमणकालिन समयमा रास्वपाले नयाँ युवा शक्तिको नेतृत्व र संयोजन गर्न सक्ने र जसको लागि पार्टीले तयारी गरिरहेको बताइएको छ ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google