.png "Win Recruit Nepal"){kind=logo}
काठमाडौँ । नेपाली कांग्रेसका सांसद उदय शमशेर राणाले सौर्य एयरलाइन्सको विमान दुर्घटनाको अनुसन्धान नसकिएसम्म नेपाल नागरिक उड्डयन प्राधिकरणका महानिर्देशक प्रदीप अधिकारीलाई निलम्बन गर्न माग गरेका छन् । उनको कार्यकालमा सात वटा विमान दुर्घटना भइसकेको तर उनको भूमिकाबारे कहिल्यै अनुसन्धान हुने नगरेको भन्दै उनलाई अहिले जारी अनुसन्धानको अवधिभर निलम्बन भए पनि गर्न सरकारसँग माग गरे ।
‘यस्तो घटनामा जिम्मेवारी लिँदै सम्बन्धित व्यक्तिले नै राजीनामा दिनुपर्ने हो । तर राजीनामा नदिए कमसेकम अनुसन्धानको अवधिभर निलम्बन गर्नुपर्ने हैन ? प्रतिनिधि सभाको विशेष समयमा बोल्दै उनले भने ।
नेपालको नागरिक उड्डयन क्षेत्रमा सर्भिस प्रोभाइडर र रेगुलेटर दुवै एकै निकायको जिम्मेवारी भएकाले हवाई सुरक्षामा गम्भीर भएर काम गर्न नसकेको भन्दै उनले यी दुवै जिम्मेवारी अलग गर्नुपर्ने माग गरेका थिए ।
उनले क्यानको सबै ठिक रहेको तर मुटु ठिक नभएको भन्दै नेतृत्वको भूमिकाबारे समेत अनुसन्धान गर्नुपर्नेमा जोड दिएका थिए । प्राधिकरणको पहिलो प्राथमिकता हवाई सुरक्षा हुनुपर्नेमा त्यसो हुन नसकेको भन्दै सरकारको ध्यानाकर्षण गराएका थिए ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google