बिहे-पार्टीमा आउन नसक्ने जानकारी दिंदै तोसिमाले लेखिन् - मंगलबार पुनः जाजरकोट जाँदै छु

दर्पण दैनिक

२५ मंसिर २०८०,१६:१९

काठमाडाैं । रास्वपा सांसद तोसिमा कार्की मंगलबार पुनः जाजरकोट जाने भएकी छन् । उनले सामाजिक सञ्जाल फेसबुक मार्फत उनले सो जानकारी दिएकी हुन् । मंसिर महिनामा आफूलाई धेरैले बिहेमा निम्तो दिएको, तरलगभग कुनैमा पनि पुग्न नसकेको भन्दै उनले मन नदुखाउन आग्रह गरेकी छिन् । जाजरकोटबाट फर्किएपछि ३–४ दिनमा ललितपुरका चुनिखेल, ठेचो, हरिसिद्दी, सुनाकोठी, नखिपोटमा स्थानीयमाझ पुगेको र २–३ वटा महत्वपूर्ण बैठक, कार्यक्रम र खबरदारी गरेको उनले जानकारी दिएकी छिन् ।

‘माफ गर्नुहोला, धेरै बिहेको निम्तोका कार्डहरु थाती राखेर भोलि बिहानै फेरि जाजरकोट जाँदै छु, केही थप तयारीका साथ,’ उनले लेखेकी छिन्, ‘हामीले त्यत्रो भोट देको, जिताको, तर बिहेमा पार्टीमा बोलायो कहिल्यै आउँदिन साह्रै ठूली भई नभन्नुहोला है ! मेरो शुभकामना सधैँ छ्र ।

उनले सामाजिक संञ्जालमा लेखेकी छन् :

मंसिरको महिना धेरैले बिहेहरूमा निम्तो गरिरहनुभएको छ तर लगभग कुनैमा पनि पुग्न सकेको छैन । म निर्वाचित भएदेखि आजसम्म धेरै बिहे व्रतबन्ध र भोजका निमन्त्रणाहरू आएता पनि अधिकांशमा म उपस्थित हुन सकि । कृपया मन नदुखाउनुहोला । मेरो शुभकामना आशिर्वाद शुभेक्षा सधैँ तपाइहरूसँग छँदैछ ।

बिहा पार्टी व्रतबन्धहरूमा पुग्न नसकेकामा पक्कै पनि यो हामीले जिताएको तोसिमा छोरी जनताको काममै समय खर्चिरहेकी होलिन् भनी बुझिदिनुहोला । जाजारकोटबाट फर्किएपछि ३-४ दिनमा ललितपुरको चुनिखेल, थेचु, हरिसिद्दी, सुनाकोठी, नखिपोटमा स्थानीयहरू माझ पुगेँ, २(३ वटा महत्त्पूर्ण बैठक, कार्यक्रम र खबरदारीहरू गरियो र तपाईंहरूको मायाले स्वास्थ्य पनि निको भैसकेँ ।

तर माफ गर्नुहोला धेरै बिहेको निम्तोका कार्डहरू थाती राखेर भोलि बिहानै फेरि जाजरकोट जाँदैछु केही थप तयारीका साथ । ‘हामीले तेत्रो भोट देको, जिताको तर बिहेमा पार्टीमा बोलायो कैले आउँदिन सार्है ठूली भई’ नभन्नुहोला है्र मेरो शुभकामना सधैँ छ ।