.png "Win Recruit Nepal"){kind=logo}
काठमाडौं । नेपाली कांग्रेसका उपसभापति पूर्णबहादुर खड्काले पदको लोभका कारण पुस १० गते कांग्रेससहितको गठबन्धन भत्किएको स्वीकारेका छन् । शुक्रवार ललितपुरको बोडे गाउँस्थित पूर्वप्रधानमन्त्री स्वर्गीय कृष्णप्रसाद भट्टराईको आश्रममा उनले यस्तो स्वीकार गरेका हुन् ।
खड्काले नेपाललाई रुपान्तरण गर्ने, स्थायी शान्तिको जगमा सबै दलहरु मिलेर मुलुकको आर्थिक उन्नति र प्रगतिको बेगमा मुलुकलाई लैजाने संकल्प गरेर चुनावमा गएपछि सहमतिअनुसार कार्यान्वयन हुन नसक्दा तत्कालीन गठबन्धन भत्किएको बताए ।
तर अब त्यसलाई आन्तरिक रुपमा सच्याएर अघि बढेको उनले बताए । उपसभापति खड्काले पुस १० गतेपछि नै आफूसहित पार्टीले एजेण्डामा सहमति भएका दलबीच सुक्ष्म संवाद अघि बढाउँदै लगेकाले बिहीबार राष्ट्रपति पदमा पार्टीका वरिष्ठ नेता रामचन्द्र पौडेल विजयी भएको बताए ।
उपसभापति खड्काले उपराष्ट्रपति निर्वाचनबारे केही समझदारी र सहमति भएपनि गठबन्धनबीच जनता समाजवादीलाई नै उपराष्ट्रपति दिने निर्णय नभइसकेको बताए । उनले अब छिटै नै गठबन्धनको बैठक बसेर औपचारिक निर्णय गर्ने बताए। खड्काले दलहरुबीच सहमति गरेर उपराष्ट्रपतिको निर्वाचनमा पनि सकारात्मक परिणाम ल्याउने बताए ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google