.png "Win Recruit Nepal"){kind=logo}
काठमाडौं । सर्वोच्च अदालतको फैसलापछि पुन: नेपाली नागरिकता लिएर राष्ट्रिय स्वतन्त्र पार्टीको सभापतिमा पुन: चयन भएका रवि लामिछाने प्रधानमन्त्री पुष्पकमल दाहाल प्रचण्डलाई भेट्न बालुवाटार पुगेका छन् ।
सर्वोच्च अदालतको संवैधानिक इजलासले शुक्रबार फैसला सुनाउँदै लामिछानेले अमेरिकि राहदानी तथा नागरिकता त्यागेपछि नेपाली नागरिकता पुन: प्राप्तीको प्रक्रिया पूरा गरेको नदेखिएको ठहर गरेको थियो । सर्वोच्चको उक्त फैसलापछि लामिछानेको उपप्रधानमन्त्री, गृहमन्त्री, प्रतिनिधि सभा सदस्य र पार्टी सभापति पद गुमेको थियो ।
सर्वोच्चको फैसलापछि लामिछानेले आइतबार जिल्ला प्रशासन कार्यालय काठमाडौंमा आफूले अमेरिकी राहदानी तथा नागरिकता त्यागेको निस्सा पेस गर्दै नेपाली नागरिकताको प्रमाणपत्र पुन: प्राप्त गरेका थिए ।
लामिछानेले पुन: नागरिकता लिएपछि बसेको राष्ट्रिय स्वतन्त्र पार्टीको बैठकले उनलाई पुन: सभापति चयन गर्ने निर्णय गरेको थियो । रास्वपाको बैठकले यसअघि लामिछानेले सम्हाल्दै आएको गृह मन्त्रालय नछाड्ने निर्णय गरेको थियो । पार्टीको सोही निर्णयबारे जानकारी गराउन र अन्य विषयमा छलफलका लागि लामिछाने प्रधानमन्त्रीलाई भेट्न बालुवाटार पुगेका हुन् ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google