.png "Win Recruit Nepal"){kind=logo}
काठमाडौं । नागरिक उन्मुक्ति पार्टीकी केन्द्रीय सदस्य एलिजा गौतमले आफ्नो विवादित अभिव्यक्तिबारे प्रष्टीकरण दिएकी छन् । पार्टीको जिम्मेवार व्यक्ति भएकाले आक्रोशमा बोल्नु र सरकारलाई खबरदारी गर्नु आफ्नो कर्तव्य भएको उनको भनाइ छ ।
फेसबुकमा स्टाटस लेख्दै एलिजनाले आफू राजनीतिमा सिकारु भएको भन्दै आफूभित्र धेरै कमजोरी रहेको स्वीकार गरेकी छन् । आफ्नो पार्टीका नेता रेशम चौधरीको पक्षमा अदालतको फैसला नआउँदा लाखौं कार्यकर्ता निराश रहेको उनले बताएकी छन् ।
‘पार्टीको इमानदार सिपाही भएको नाताले आक्रोशमा केही बोल्नु, सरकारलाई खबरदारी गर्नु मेरो कर्तव्य हो । सोही ठानेर मिडियामा बोलें र खबरदारी गरेँ । यसमा सुझाव दिने सम्पूर्णलाई धेरै धेरै धन्यवाद ।’
आफू समाजका लागि केही गरौं भन्ने मनको हुटहुटीले राजनीतिमा जोडिएको एलिजाको दावी छ । उनले पार्टीले आफुलाई महिला विभागको प्रमुखको समेत जिम्मेवारी दिएको जानकारी गराएकी छन् । आफूभित्रको कमजोरीलाई सुधार गर्दै लैजाने पनि प्रतिवद्धता जनाएकी छन् ।
1679298112.jpg)
1674115170.jpg)
.jpg)
