.png "Win Recruit Nepal"){kind=logo}
काठमाडौ । बागमती प्रदेश सरकारका खानेपानी, उर्जा तथा सिंचाई मन्त्री तीर्थबहादुर लामाले सुन तस्करी प्रकरणमा आफू दोषी भए खुलामञ्चमा झुन्डिन तयार रहेको बताएका छन् । प्राइम टेलिभिजनको 'जनता जान्न चाहन्छन' कार्यक्रममा उनले सो कुरा बताएका हुन् ।
काभ्रे कांग्रेसको जिल्ला सभापति समेत रहेका मन्त्री लामाले २०४६ सालबाट निरन्तर राजनीतिमा सक्रिय रहँदै आएको बताए । 'तीन दशक भन्दा लामो राजनीतिलाई सकाउन केही पत्रकारले कपोलकल्पित, तथ्यहिन र पूर्वाग्रही समाचार लेखेर मेरो चरित्र हत्या गर्नुभयो' मन्त्री लामा भन्छन् - 'म नामै किटान गरेर भन्न चाहन्छु पत्रकार मोतिराम तिमल्सिनाले हुँदै नभएको कुरोलाई ल्याएर मेरो नाम सुन तस्करमा जोड्नुभयो ।'
मन्त्री लामाले आफू प्रेस स्वतन्त्रता, मानवअधिकार र लोकतन्त्रलाई बलियो बनाउने पक्षमा रहेकोे स्पष्ट पारे । काङ्ग्रेसको नेताहरुको संरक्षण तपाईंलाई छ भन्ने धमलाको प्रश्नमा उनले नराम्रो काममा कसैको साथ साथ नचाहिने बताए ।
'नराम्रो काम गर्नको लागि मलाई कुनै पनि नेताको साथ चाहिँदैन । म आफ्नो ठाउँमा ठिक छु । नेपाल प्रहरीलाई अनुसन्धानमा अब्बल भनेर बुझिन्छ । मलाई अनुसन्धान गर्ने निकायले तीर्थ लामा पनि सुन तस्करमा छन् भन्ने प्रमाणित गरोस् म जुनसुकै प्रकारको कार्वाही भोग्न तयार छु ।' उनले सुन तस्करमा आफ्नो संलग्नता रहेकोे पुष्ठि भएमा काभ्रेमा कहिल्यै फर्केर नजाने समेत कसम खाए ।
भाद्र २५ गते काठमाडौंमा सुन जस्तो पहेंलो धातुको डल्ला (९६० ग्राम) बरामद भएको घटनामा मन्त्री लामाको पनि नाम जोडेर केही संचार माध्यमले समाचार सम्प्रेषण गरेका थिए । उक्त घटनाबाट तीन जना पक्राउ परेका छन् भने मुख्य नाइके भनेर चिनिएका विकास लामा प्रहरीको सम्पर्कमा छैनन् । विकास लामा तरुण दलको नेता नभएको मन्त्री लामाले बताएका छन् । मन्त्री लामाका अनुसार विकास नेपाली कांग्रेस बागमती प्रदेश कार्यसमितिको सदस्य रहेको तर उनले के गर्छन् भन्ने आफुलाई थाहा नभएको उनले प्रष्ट भने ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google