.png "Win Recruit Nepal"){kind=logo}
काठमाडौँ । देशको राजधानी काठमाडौँका १० निर्वाचन क्षेत्रमा राष्ट्रिय स्वतन्त्र पार्टी (रास्वपा) विजयी भएको छ।नेपालको निर्वाचन इतिहासमा रास्वपाले पहिलो पटक देशको राजधानी काठमाडौँमा शतप्रतिशत जित निकाल्दै क्लिनस्वीप गरेको हो।
अघिल्लो निर्वाचनमा काठमाडौँका ४ क्षेत्रमा मात्र जित निकालेको रास्वपाले यो पटक १० क्षेत्रमा पुराना दललाई पाखा लगाउँदै क्लिनस्वीप गरेको हो।
काठमाडौँ १ मा रञ्जु दर्शना न्यौपानेले विजयी भएर खाता खोलेकी थिइन्। काठमाडौँ–२ मा सुनिल केसी, ३ मा राजुनाथ पाण्डे, ४ मा पुकार बम, ५ मा सस्मित पोखरेल, ६ मा शिशिर खनाल, ७ मा गणेश पराजुली, ८ मा विराजभक्त श्रेष्ठ, ९ मा डोलप्रसाद अर्याल र १० मा प्रदिप विष्ट निर्वाचित भएर पहिलो पटक क्लिनस्वीप गरेका हुन्।
काठमाडौँमा ०७९ सालमा भएको निर्वाचनमा काठमाडौँबाट निर्वाचित भएका केही उम्मेदवार दोहोरिएका छन्। काठमाडौँ २ मा सोविता गौतम, काठमाडौँ–६ मा शिशिर खनाल, काठमाडौँ–७ मा गणेश पराजुली र काठमाडौँ–८ मा विराजभक्त श्रेष्ठ निर्वाचित भएका थिए।काठमाडौँ २ बाट अघिल्लो निर्वाचनमा विजयी सोविता यो पटक चितवन–३ मा उम्मेदवार बनेकी छन्।
रास्वपा उम्मेदवार काठमाडौँमा विजयी मात्र भएका छैनन् भारी मतसमेत ल्याएका छन्।काठमाडौँ–१ मा न्यौपानेले १५ हजार ४५५ मत ल्याएर निर्वाचित हुँदा निकटतम प्रतिद्वन्द्वी नेपाली कांग्रेसका उम्मेदवार प्रबल थापा क्षेत्रीले ६ हजार ३६४ मत मात्र पाएका छन्।
काठमाडौँ क्षेत्र नम्बर २ मा सुनिल केसीले ३४ हजार २३८ मत ल्याउँदा उनका प्रतिद्वन्द्वी कांग्रेसका कबिर शर्माले आठ हजार ८७४ मत मात्र पाए।
काठमाडौँ–३ मा राजुनाथ पाण्डे १८ हजार ७५७ मत ल्याएर विजयी हुँदा निकटतम प्रतिद्वन्द्वी उज्यालो नेपाल पार्टीका अध्यक्ष कुलमान घिसिङले ११ हजार १७१ मत मात्र पाए।
काठमाडौँ–४ अर्थात् गगन थापाको क्षेत्रमा रास्वापाका पुकार बमले २९ हजार २४२ मत पाउँदा कांग्रेसका सचिन तिमल्सेनाले ८ हजार ८२४ मत मात्र पाए।
काठमाडौँ–५ मा सस्मित पोखरेलले ३० हजार ७३७ मत ल्याउँदा उनका प्रतिद्वन्द्वी कांग्रेसका महामन्त्री प्रदीप पौडेलले ९ हजार १५९ मत पाएका छन्।
काठमाडौँ–६ मा शिशिर खनालले २७ हजार ७१९ मत ल्याएर निर्वाचित हुँदा निकटतम प्रतिद्वन्द्वी कांग्रेस उम्मेदवार कृष्ण बानियाँ क्षेत्रीले ६ हजार ६४७ मात्र मत पाए।
काठमाडौँ–७ मा गणेश पराजुली २७ हजार ८०५ मत ल्याएर विजयी हुँदा प्रतिद्वन्द्वी कांग्रेसका प्रमोदहरि गुरागाईले तीन हजार ९८२ मत मात्र पाए।
काठमाडौँ–८ मा विराजभक्त श्रेष्ठले २४ हजार ५९२ मत ल्याउँदा उनका प्रतिद्वन्द्वी नेकपाका सुमन सायमीले तीन हजार २१७ मत मात्र ल्याए।
काठमाडौँ–९ मा डिपी अर्यालले ३५ हजार ९३ मत ल्याएर विजयी हुँदा कांग्रेसकी नानुमैया बास्तोलाले ५ हजार ४६० मत ल्याएकी छन्।
काठमाडौँ–१० मा प्रदीप विष्ट ३७ हजार ४६९ मत ल्याएर निर्वाचित हुँदा कांग्रेस उम्मेदवार हिमाल कार्की आठ हजार १०० मत ल्याएर पराजित भएका छन्।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google