.png "Win Recruit Nepal"){kind=logo}
काठमाडौं । बागमती प्रदेश सरकारबाट नेकपा एमाले बाहिरिएको छ । केन्द्रीय गठबन्धनमा फेरबदल आएसँगै माओवादीका मुख्यमन्त्री शालिकराम जम्कट्टेल नेतृत्वमा रहेको प्रदेश सरकारबाट एमालेका मन्त्रीहरुले राजीनामा दिएका हुन् ।
एमाले चार महिनाअघि चैत १७ गते जम्कट्टेल नेतृत्वको सरकारमा दोस्रोपटक सहभागी भएको थियो । तर, पुनः केन्द्रमा वर्तमान गठबन्धन तोड्दै नेपाली कांग्रेससँग सत्ता सहकार्य गर्नेबारे समझदारी गरेपछि एमालेले प्रदेश सरकार छाडेको हो ।
एमाले बागमती प्रदेश संसदीय दलका नेतासमेत रहेका आर्थिक मामिला तथा योजनामन्त्री जगन्नाथ थपलियासहित पाँच जना मन्त्रीहरूले सरकारलाई दिएको समर्थन फिर्तासहित संयुक्त राजीनामा बुझाएका छन् ।
बागमतीमा एमालेबाट थपलियासहित उघोग, वाणिज्य भूमि तथा प्रशासनमन्त्री प्रकाश श्रेष्ठ, वन तथा वातावरणमन्त्री केशव पोखरेल, स्वास्थ्यमन्त्री रामेश्वर श्रेष्ठ र जलश्रोत, ऊर्जा तथा खानेपानी मन्त्री एकलाल श्रेष्ठ थिए ।
एमाले सरकारबाट बाहिरिएसँगै अल्पमतमा परेका मुख्यमन्त्री जम्कट्टेलले प्रदेशसभाबाट विश्वासको मत लिने भएका छन् ।
आइतबार काठमाडौंमा बसेको माओवादी केन्द्र बागमती प्रदेश संसदीय दलको बैठकले मुख्यमन्त्री जम्कट्टेलले राजीनामा नदिने र विश्वासको मत लिने निर्णय गरेको हो ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google