.png "Win Recruit Nepal"){kind=logo}
काठमाडौं । विद्यार्थी नेता उत्तम खड्कासहित बझाङ जिल्लाबाट आठ जना नेपाल विद्यार्थी संघको केन्द्रीय सदस्यमा मनोनित भएका छन् । मनोनित हुनेहरुमा उत्तम खड्कासहित सिर्जना स्नेही, कृष्ण बिक, दीप बोहरा, हिमेन्द्र खड्का, सिद्धराज जोशी, हिक्मत खड्का र लक्ष्मणबहादुर कठायत छन् । राजनीतिक विरासतविना नै नेता उत्पादन हुने नेविसंघको गर्विलो इतिहास छ । वर्तमान पार्टी सभापति शेरबहादुर देउवादेखि गगन थापा, विश्वप्रकाश शर्मा, प्रदीप पौडेल, धनराज गुरुङ, गुरु घिमिरे लगायतका नेताहरु नेविसंघकै उत्पादन हुन् ।
यही नेविसंघको केन्द्रीय सदस्यमा बझाङको विकट मष्टा गाउँपालिकादेखि संघीय राजधानी काठमाडौंसम्म विद्यार्थी राजनीतिमा सक्रिय युवा नेता उत्तम खड्का पनि समेटिएका छन् । वाल्यकालदेखि नै राजनीतिक चेत बोकेका जुझारु युवा नेता उत्तम खड्कालाई निकटबाट चिन्नेहरुले उत्तम खड्का सहयोगी भावनाका निडर अनि हक्की स्वभावका जुझारु नेता भएको एन नेताले बताए ।
खड्का नेपाल विद्यार्थी संघको केन्द्रीय सदस्यमा मनोनित उनलाई चिन्नेहरु खड्काको योगदानको कदर भएको ठान्छन् । नेता उत्पादनको नर्सरी मानिएको नेविसंघमा खड्का बझाङकै कुल मष्ट्रजन उमाविमा हुँदादेखि नै सक्रिय रहँदै आएका हुन् । आजभन्दा झण्डै एक दशक अघि खड्का कुलमष्ट्रजन उमाविको नेविसंघ अध्यक्ष थिए ।
मष्टा गाउँपालिकाको कोटदेव (साविकको गाविस) मा जन्मिएका खड्का नेविसंघमा प्रवेश गरेदेखि नै विद्यार्थीका हकहितका लागि आवाज उठाउँदै आएको बताइन्छ । कुल मष्ट्रजन उमाविमा नेविसंघको अध्यक्षदेखि केन्द्रीय सदस्यसम्म बन्नुलाई खड्का आफूमाथि थप जिम्मेवारी बढेको बताउँछन् । पार्टीको विचार सिद्धान्त र कार्यक्रम अनुसार नै आगामी दिन आफूले भूमिका खेल्ने बताउँदै उनले भने– ‘नेविसंघले शैक्षिक मुद्दाहरुका साथसाथै देशको समग्र राजनीतिक, सामाजिक तथा नागरिकका सरोकारका विषयमा समेत आवाज उठाउँदै आइरहेको छ । आगामी दिनहरुमा पनि यस्ता विषयहरु झनै सशक्त रुपमा अघि बढाउन भूमिका खेल्छु ।’ उनले अगाडि भने– ‘विद्यार्थी राजनीतिको एउटा आदर्श संगठनका रुपमा नेविसघलाई उभ्याउन सक्नुपर्छ । त्यसका लागि सबै सार्थीहरुले मिलेर अघि बढ्नुको विकल्प छैन ।’
कुल मष्ट्रजन उमाविको नेविसंघ अध्यक्ष हुँदै खड्का कुमारी इन्जिनियरिङ्ग कलेज बौद्धको नेविसंघ अध्यक्ष भए । त्यसपछि सिटिइभिटीको नेविसंघ उपाध्यक्ष समेत बनेका खड्कालाई गत वर्ष मंसिरमा भएको आम निर्वाचनमा पार्टीले बझाङ जिल्ला संयोजकको जिम्मेवारी दिएको थियो । सो जिम्मेवारीलाई इमान्दारिताका साथ पूरा गरेर गठबन्धनका उम्मेदवारलाई विजयी बनाउन सफल भएको खड्काको भनाई छ ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google