बुढानिलकण्ठमा ४५ दिने नि:शुल्क कपाल काट्ने तालिम सम्पन्न

दर्पण दैनिक १४ श्रावण २०८०,११:४०
post

काठमाडौं । बुढानिलकण्ठ नगरपालिका वडा नं १० को आयोजनामा र बि स्टार युनिसेक्स एकेडेमीको संयोजकत्वमा गत जेठ २८ गतेबाट प्रारम्भ भएको ४५ दिने निशुल्क कपाल काट्ने तालिम शुक्रबार सम्पन्न भएको छ । बुढानिलकण्ठ नगरपालिका स्थित वडा नं १० को वडा कार्यालयको हलमा कार्यक्रम समापन गरिएको हाे । उक्त तालिममा सोही एकेडेमीका प्रमुख बिक्रम गौतमले प्रशिक्षण दिएका थिए ।

कार्यक्रममा बुढानिलकण्ठ नगरपालिकाका प्रमुख मिठाराम अधिकारी, बुढानिलकण्ठ नगरपालिका वडा नं १० का वडाअध्यक्ष नवराज भट्टराई, वडा नं १२ का वडाअध्यक्ष शम्भु भट्टराई, वडा नं ११ का वडाअध्यक्ष राजु अधिकारी, वडा नं १० युवा परिषद् अध्यक्ष सुदिप लुईटेल, वडा नं १० युवा परिषद् उपाध्यक्ष रुपेश भट्टराई, कार्यपालिका सदस्य रिता दाहाल, वडा सदस्य चन्द्रमान श्रेष्ठ, दिल कुमारी बिक सहभागी थिए । कार्यक्रममा हास्य कलाकार हरि निरौला 'कक्रोज', सागर लम्साल 'बले', सुबोध गौतम 'एदुमे' पनि अतिथिको रुपमा सहभागी थिए ।

कार्यक्रममा तालिममा सहभागी सम्पुर्ण विद्यार्थीलाई प्रमाणपत्र र प्रशिक्षकको भुमिका निर्वाह गरेकोमा बि स्टार युनिसेक्स एकेडेमीका प्रमुख बिक्रम गौतम र बिनय गौतमलाई कदर पत्र प्रदान गरिएको थियो । 

कार्यक्रममा पहिलो मन्तव्य राखेका कलाकार सागर लम्सालले स्वदेशमा नै सीप सिके आत्मनिर्भर बन्न सकिने र यो तालिम संन्चालन गरेकोमा बुढानिलकण्ठ नगरपालिका र बि स्टार युनिसेक्स एकेडेमी परिवारलाई धन्यवाद दिए ।

साथै कार्यक्रमका प्रमुख अतिथी बुढानिलकण्ठ नगरपालिकाका प्रमुख मिठाराम अधिकाले सीप सिक्दा कोहि सानोठुलो नहुने र यदि कोहि विद्यार्थीहरुलाई यो ४५ दिनको अवधिमा सिकेको सीप अझै कमि भएको जस्तो महशुस भएमा पुन नगरपालिकाका विभिन्न वडाहरुमा पनि यहीँ तालिम संन्चालन गर्नको लागि सहकार्य भईरहेको हुँदा त्यहाँ तालिम प्रारम्भ भए पश्चात् सिक्नको लागि इच्छुक भएमा आउनको लागि समेत आग्रह गरे ।

यसैगरी मन्तव्य राख्दै बुढानिलकण्ठ नगरपालिका वडा नं १२ का वडा अध्यक्ष शम्भु भट्टराईले आगामी दिनमा आफ्नो वडा मा पनि कपाल काट्न सिकाउने तालिम आयोजना हुँदै गरेको र यस्ता सिपमुलक तालिमबाट देशमा नै रोजगार सिर्जना गर्नको निम्ति आफ्नो वडा निरन्तर लागिपरिरहने बताए । 

साथै कलाकार हरि निरौलाले सम्पुर्ण विद्यार्थीहरुलाई यो अवधिभर सिकेको तालिमको सहि सदुपयोग गरि भबिष्यमा एक सफल कपाल काट्ने पात्रको रुपमा चिनिन सबैलाई आग्रह गरे । साथै कार्यक्रममा कलाकार सुबोध गौतमले विभिन्न ब्यक्तिको क्यारिकेचर गरेर हसाएका थिए ।

यसैगरी कार्यक्रमका विशेष अतिथी बुढानिलकण्ठ नगरपालिका वडा नं १० का  वडा अध्यक्ष नवराज भट्टराईले आफ्नो वडामा यो तालिम सञ्चालन गरि आज समापन गराउन पाउँदा आफू निकै खुशी रहेको बताए । नेपालमा कयौं दक्ष जनशक्ति हुँदापनि सहि सदुपयोग हुन नसकेको र सो समस्यालाई समाधान गर्न र आफ्नो वडाका नागरिक बेरोजगार भएर भौतारिन नपर्ने अवस्था सिर्जना गर्ने प्रतिबद्धता दिए । साथै भट्टराईले सम्पुर्ण विद्यार्थी लगायत बि स्टार युनिसेक्स एकेडेमी परिवारलाई धन्यवाद दिए ।

कार्यक्रममा करिब ४५ दिन आफुले धेरै नै ज्ञान प्राप्त गरेको र सो सीपलाई सहि ठाँउमा सदुपयोग गरि आगामी दिनमा देशमा रहेको रेमिटेन्स देशमा नै भित्राएको उदाहरण प्रस्तुत गर्ने उदेश्यका साथ काम गर्नेमा जोड दिने प्रतिबद्धता सहित विद्यार्थी सुशील कट्टेलले आफ्नो अनुभव सुनाए । साथै कार्यक्रममा रिमा थापा घिमिरे र सावित्रादेवी उप्रेतीले आफ्नो रचना सुनाएका थिए ।

कार्यक्रमको समापन बि स्टार युनिसेक्स एकेडेमीका प्रमुख बिक्रम गौतमले गरेका थिए । उनी बिगत लामो समयदेखि विभिन्न चलचित्र तथा टेलिसिरियलमा समेत आबद्द भएर काम गरिरहेका छन । बिगतको लामो समयको आफ्नो अनुभव विद्यार्थीहरुलाई साट्न पाउँदा आफू निकै खुशी भएको हुनले बताए । साथै नेपालमा कपाल काट्नको निम्ति बाहिरी देशबाट जनशक्ति आउनुपर्ने अवस्थाकाे अन्त्य गर्नको निम्ति आफू निरन्तर लागिपर्नेमा उनले जोड दिए ।
 

सम्बन्धित खबर

post

‘घरघरमा सांसद’ अभियान

२६ माघ २०७९,११:५३
post

महामूर्खको उपाधि मेयर साहलाई

२३ फाल्गुन २०७९,१९:३३
post

बैतडीका तीन युवती बेपत्ता

२१ चैत्र २०७९,१२:१२
post

घरभाडा घटाउन माग

३० चैत्र २०७९,१४:१४
post

आज सुदूरपश्चिम बन्द

२८ जेष्ठ २०८०,०९:१६
post

बनेपाको पुलमाथि खोला

२३ श्रावण २०८०,०९:४२
post

८९ वर्षको उमेरमा नागरिकता

२७ श्रावण २०८०,१०:५१

प्रतिक्रिया गर्नुहोस्

प्रतिक्रिया गर्न लग इन गर्नु होस्: