.png "Win Recruit Nepal"){kind=logo}
ललितपुर । असार १० मा देशैभरका स्थानीय तहहरुले बजेट अधिवेशन गर्नुपर्ने व्यवस्थाबमोजिम ललितपुरको कोन्ज्योसोम गाउँपालिकाको चौधौँ अधिवेशन सुरु भएको छ । गाउँपालिका प्रमुख कृष्णमान लामाको अध्यक्षतामा सुरु भएको गाउँ अधिवेशनमा गाउँपालिका भरीकै ज्येष्ठ नागरिक १ सय १ वर्षीय ठुली सिलवालले प्रमुख आतिथ्यता ग्रहण गरेकी छन् ।
सिलवालले दीप प्रज्वलन गरेर गाउँपालिकाको चौधौँ अधिवेशनको उद्घाटन गरेकी हुन् । उक्त अवसरमा उनको हातबाट गाउँपालिकाका शिक्षा,युवा तथा खेलकुद शाखा प्रमुख विष्णु प्रसाद आचार्यलाई उत्कृष्ट कर्मचारीको रुपमा सम्मान गरिएको छ । साथै गाउँपालिका अध्यक्ष कृष्णमान लामा र उपाध्यक्ष राजन प्रसाद घिमिरेको उपस्थितिमा वडा नं ४ नल्लु निवासी सिलवाललाई सम्मान पत्र तथा मायाको चिनो प्रदान गरेका छन् ।
गाउँपालिकाले गाउँसभाको अवसरमा विभिन्न कर्मचारी,खेलाडी सम्मान तथा छात्रवृत्ति सम्मान समेत गरेको छ । साथै उक्त अवसरमा गाउँपालिकाको आगामी आर्थिक वर्ष २०८१/०८२ को नीति तथा कार्यक्रम र अनुमानित बजेट प्रस्तुत गर्ने कार्यक्रम छ ।
प्रतिक्रिया गर्न लग इन गर्नु होस्:
Log in with Google