.png "Win Recruit Nepal"){kind=logo}
काभ्रे । तेमाल गाउँपालिकाका अध्यक्ष चन्द्रबहादुर तामाङले खेलाडीको मुख्य गहना भनेकै अनुशासन भएको बताएका छन् । तेमाल गाउँपालिका वडा २ मा आयोजना गरिएको दोश्रो वडा अध्यक्ष कप– २०८१ अन्तर्गत खुल्ला फुटबल प्रतियोगिताको समापन समारोहमा बोल्दै अध्यक्ष तामाङले यस्तो बताएका हुन् ।
खेलकुदप्रति युवाहरूको आकर्षण बढाउँदै खेलाडी प्रतिभालाई प्रोत्साहन गर्ने उद्देश्यले वडा नम्बर २ को आर्थिक सहयोगमा राइजिङ स्टार्स फूटवल क्लबले आयोजनामा गरेको सो प्रतियोगिताको आइतबार सम्पन्न भएको हो ।
गाउँपालिका अध्यक्ष तामाङको प्रमुख आतिथ्यता भएको प्रतियोगिताको समापन कार्यक्रम गरिएको थियो । सो क्रममा अध्यक्ष तामाङले प्रतियोगिता भइरहेको गोठडाँडा खेल मैदान सानो भएकोले खेलमैदान निर्माणको लागि आवश्यक बजेटको व्यवस्था गर्ने बताए ।
यसैबीच समापन कार्यक्रमलाई उपाध्यक्ष दलमान थोकर, प्रमुख प्रशासकीय अधिकृत योगेन्द्र राज गुरुङ लगायतले सम्बोधन गरेका थिए ।
प्रतियोगितामा डाँडागाउँ जगरुक युवा क्लब बिजेता बनेको छ, भने नोर्बु नाम्ग्याल युवा क्लब लामागाउँ उपविजेता बनेको छ ।
बिजेता हुने डाँडागाउँ जागरुक युवा क्लबलाई कपका साथै ५५ हजार ५ सय ५५ रुपैयाँ नगद, मेडल र प्रमाणपत्र तथा उपविजेता हुने नोर्बु नाम्ग्याल युवा क्लब लामागाउँलाई ३३ हजार ३ सय ३३ रुपैयाँ नगद, मेडल र प्रमाणपत्र प्रदान गरिएको थियो।
.jpg)
प्रतिक्रिया गर्न लग इन गर्नु होस्:
Log in with Google