.png "Win Recruit Nepal"){kind=logo}
काठमाडाैँ । भुटानमाथि एकतर्फी जित निकाल्दै नेपाल साफ महिला यू–२० च्याम्पियनसिपको अंक तालिकामा शीर्ष स्थानमा उक्लिएको छ । शनिबार बंगलादेशको राजधानी ढाकास्थित बसुन्धरा स्पोर्ट्स ग्राउन्डमा सम्पन्न खेलमा नेपालले भुटानलाई ८–० ले पराजित गर्यो ।
नेपालको जितमा पूर्णिमा राई र मीना देउवाले ह्याट्रिक गरे भने समीक्षा मगर र कुशुम खतिवडाले एक–एक गोल थपे । यो जितसँगै नेपालले ५ खेलबाट १२ अंक बनाएर आयोजक बंगलादेशलाई गोलअन्तरमा पछि पार्दै शीर्ष स्थान ओगटेको छ ।
एक खेल कम खेलेको बंगलादेशको पनि १२ अंक नै छ । तर, नेपालले ३० गोल गर्दै ४ गोल मात्र खाएको छ भने बंगलादेशले १९ गोल गर्दा ४ गोल खाएको छ ।
शनिबार नै दोस्रो खेलमा बंगलादेश र श्रीलंका भिड्दै छन् । उक्त खेलमा बंगलादेशले जित निकाल्ने सम्भावना उच्च भएकाले पुनः शीर्ष स्थानमा फर्किन सक्छ । त्यस अवस्थामा सोमबार हुने नेपाल र बंगलादेशबीचको खेल उपाधिका लागि निर्णायक हुनेछ ।
.jpg)
प्रतिक्रिया गर्न लग इन गर्नु होस्:
Log in with Google