.png "Win Recruit Nepal"){kind=logo}
ललितपुर । कोन्ज्योसोम गाउँपालिका ४ नल्लुमा चौथो राष्ट्रव्यापी कराँते प्रतियोगिता आयोजना गरिएको छ ।
पाथीभरा सो–क्योकुशिन कराँते डोजोको आयोजनामा यही आउँदो शुक्रवार र शनिवार नल्लु फुटबल ग्राउण्डमा सो प्रतियोगिता हुन लागेको हो ।
गाउँपालिकाभित्रका खेलाडीको मनोबल बढाउन र उनीहरुमा रहेको प्रतिभालाई बाहिर ल्याउन सो खेल गराइने भएको डोजोका प्रशिक्षक विजय घलानले जानकारी दिएका छन् । प्रतियोगितामा १३ जिल्लाका करिव ३०० खेलाडी सहभागी हुने उनले बताए। डोजो खेलमार्फत आफ्नो नयाँ पहिचान बनाउन इच्छुक व्यक्तिलाई सहयोग पुग्ने घलानको भनाइ छ ।
उक्त खेलमा प्रथम हुनेलाई रु १० हजार सहित चाँदीको मेडल दोस्रोलाई रु पाँच हजार सहित मेडल तथा तेस्रोलाई रु दुई हजार पाँच सय सहितको मेडल र चौथोलाई रु दुई हजार सहित मेडल दिने घोषणा भएको आयोजक टिमले जानकारी गराएको छ ।
.jpg)
प्रतिक्रिया गर्न लग इन गर्नु होस्:
Log in with Google