दीपेन्द्रसिंह ऐरीले प्रहार गरे एकै ओभरमा ६ छक्का

दर्पण दैनिक १ बैशाख २०८१,१८:५३
post

काठमाडाैं । एसीसी प्रिमियर कप क्रिकेटमा नेपालका दीपेन्द्रसिंह ऐरीले एकै ओभरमा ६ वटा छक्का प्रहार गरेका छन् । उनले अन्तिम ओभरमा ६ छक्का प्रहार गरेका हुन् ।

दीपेन्द्रले अर्धशतकीय पारी खेल्दै सर्वाधिक रन बनाए । उनी ६४ रनमा अविजित रहे । यस क्रममा उनले ७ छक्का र ३ चौका प्रहार गरे ।

यससँगै दीपेन्द्र एकै ओभरमा ६ छक्का हान्ने पहिलो नेपाली खेलाडीसमेत बनेका हुन् । यसअघि पनि दीपेन्द्रले मंगोलियाविरुद्ध दुई फरक ओभरमा लगातार ६ छक्का हानेका थिए । तर एकै ओभरमा हानेको भने पहिलोपटक हो ।

आशिफ शेखले पनि अर्धशतकीय पारी खेल्दै ५२ रन बनाएपछि कतारलाई नेपालले २११ रनको लक्ष्य प्रस्तुत गरेको छ ।

ओमनमा टस जितेर पहिला ब्याटिङ गरेको नेपालले निर्धारित २० ओभरमा ७ विकेट गुमाउँदै २१० रन बनाएको हो । 

यस्तै कुशल मल्लले ३५, कप्तान रोहित पौडेलले १८, सन्दीप जोराले ७, कुशल भुर्तेलले १२, गुल्सन झाले ५ र विवेक यादवले ५ रनको योगदान दिए ।

सम्बन्धित खबर

post

एसीसी प्रिमियर कप आजदेखि

५ बैशाख २०८०,०७:५७
post

नेपालले जित्यो उपाधि

२५ चैत्र २०८०,१७:२६

प्रतिक्रिया गर्नुहोस्

प्रतिक्रिया गर्न लग इन गर्नु होस्: