तेमालमा चौथौ राष्ट्रपति रनिङ शिल्ड छनौट प्रतियोगिता सुरु

दर्पण दैनिक

२४ पुष २०८२,१०:०१

काभ्रे । स्थानीय तहमा खेलकुदको प्रवद्र्धन तथा प्रतिभावान खेलाडीको पहिचान गर्ने उद्देश्यले तेमाल गाउँपालिकामा गाउँपालिकास्तरीय चौथौ राष्ट्रपति रनिङ शिल्ड छनौट प्रतियोगिता सुरु भएको छ । तेमाल गाउँपालिका शिक्षा, युवा तथा खेलकुद शाखाको आयोजनामा सुरु भएको प्रतियोगिता तीन दिनसम्म सञ्चालन हुनेछ ।

तेमाल–५, पोखरी नारायणस्थान खेलमैदानमा सञ्चालन भएको प्रतियोगितामा पालिकाभित्रका १० सामुदायिक विद्यालयहरुले प्रतिस्पर्धामा भाग लिएका छन् ।

प्रतियोगिताको उद्घाटन गर्दै तेमाल गाउँपालिकाका अध्यक्ष चन्द्र बहादुर तामाङले खेलकुद स्वास्थ्यसँग प्रत्यक्ष रुपमा जोडिएको उल्लेख गर्दै गाउँपालिकाले खेलकुद क्षेत्रलाई विशेष प्राथमिकतामा राखेको बताए । प्रतियोगिताले तेमाल गाउँपालिकामा खेलकुद विकासमा थप ऊर्जा दिने उनकाे दाबी छ ।

तेमाल शिक्षा शाखाका सहजकर्ता भिम दोङले कार्यक्रमको समापन समारोह पौष २५ गते शुक्रबार दिउँसो १२ बजे सम्पन्न हुने बताए ।