.png "Win Recruit Nepal"){kind=logo}
काठमाडौं । नेपाल टेलिकमले दसैँ, तिहार तथा छठ पर्वलाई लक्षित गर्दै विभिन्न सहुलियतसहितको ‘दसैँ–तिहार अफर २०८३’ सार्वजनिक गरेको छ । अफरअन्तर्गत मोबाइल डाटा, भ्वाइस, एसएमएस र एफटीटीएच इन्टरनेट सेवामा छुट तथा थप सुविधा उपलब्ध गराइने कम्पनीले जनाएको छ ।
नेपाल टेलिकमका अनुसार जीएसएम मोबाइल प्रयोगकर्ताले ४९९ रुपैयाँमा ५ जीबी र ६९९ रुपैयाँमा १० जीबीको फेस्टिभल अनलिमिटेड डाटा प्याकेज लिन सक्नेछन् । यी प्याकेज ३० दिनका लागि उपलब्ध हुनेछन् ।
५ जीबी डाटा प्याकेजमा दैनिक तोकिएको डाटा सीमा सकिएपछि बाँकी समय २ एमबीपीएस गतिमा इन्टरनेट चलाउन सकिनेछ । त्यस्तै, १० जीबी डाटा प्याकेजमा दैनिक डाटा सीमा सकिएपछि बाँकी समय ३ एमबीपीएस गतिमा इन्टरनेट प्रयोग गर्न सकिने कम्पनीले जनाएको छ ।
कम्पनीले २५० रुपैयाँमा सबै नेटवर्कमा कुरा गर्न मिल्ने एक हजार मिनेटको भ्वाइस प्याकेज र ९९ रुपैयाँमा एक हजार अन-नेट एसएमएस सुविधासहितको फेस्टिभ म्यासेज प्याकेज पनि उपलब्ध गराउनेछ । यी प्याकेजको अवधि ३० दिनको हुनेछ ।
एफटीटीएच इन्टरनेट सेवातर्फ असोज २५ देखि कात्तिक ३० सम्म नयाँ प्याकेज जडान गर्ने ग्राहकलाई ५०० रुपैयाँ जडान शुल्क छुट दिइनेछ । त्यस्तै, १००, १५० र २०० एमबीपीएसका नयाँ वार्षिक प्याकेज खरिद गर्ने ग्राहकले एक महिना थप सुविधा पाउनेछन् । यससँगै प्याकेजको अवधि १३ महिना हुनेछ ।
सेट–टप बक्ससहितको प्याकेज खरिद गर्ने ग्राहकलाई एक हजार रुपैयाँ छुटको सुविधा पनि उपलब्ध रहेको कम्पनीले जनाएको छ ।
नेपाल टेलिकमका अनुसार मोबाइलमार्फत अफरका प्याकेज खरिद गर्न असोज ३० देखि कात्तिक ३० सम्मको अवधि तोकिएको छ । ग्राहकले मोबाइलबाट 141511# डायल गरेर वा नेपाल टेलिकम एप प्रयोग गरेर प्याकेज खरिद गर्न सक्नेछन् ।
चाडपर्वका बेला ग्राहकलाई परिवार तथा आफन्तसँग सम्पर्कमा रहन सहज बनाउनुका साथै डिजिटल सेवाको प्रयोग बढाउन अफर ल्याइएको नेपाल टेलिकमका प्रवक्ता डा. कमल लामिछानेले बताएका छन् ।
.jpg)
_GnRvz8QHio.jpg)
.jpeg)
.jpeg)
.jpg)
.jpg)
.jpg)
प्रतिक्रिया गर्न लग इन गर्नु होस्:
Log in with Google